Bukuria natyrore e Thethit fillon menjëherë pasi keni kaluar fshatin Bogë, dhe më pas ju mund të shijoni pafund bukuri që ndoshta më parë nuk i kishit menduar se do t’i shikonit brenda Shqipërisë.
Cilat janë vendet që mund të shikoni ndërsa jeni në Theth?
• Ujvara e Grunasit e cila ka si veçori ujin që buron nga një shkëmb, ujë i cili është prej bore. (Nga shkrirja e debores kur bie).
• Syri i Kaltër, i cili ndodhet në Kaprren e poshtme, një nga fshatrat më të bukura të Alpeve. Nëse do të shkoni tek Syri i Kaltër më parë do të kaloni nga ujëvara e Grunasit. Rruga e vetme që të çon është ajo këmbësore e cila zgjat 40 minuta.
• Liqenet akullnajore. Për të vizituar këto liqene duhet të niseni herët pasi duhet të përshkohet një rrugë këmbësore e pakrahasueshme për nga bukuria.
• Ujvara e Gjecajve, një bukuri e pakrahasueshme e Thethit. Ai është fshati me më shumë ujëvara në Shqipëri dhe gjatë rrugës do të shikoni kurora të mrekullueshme malesh.
Por këto nuk janë bukuritë e vetme që do të shikoni nëse shkoni në Theth, gjithçka tjetër ngelet për t’u zbuluar gjatë vizitës atje. Por mund të themi me plot bindje se natyra e Shqipërisë është mjaft tërheqëse për turistët, pjesë e të cilëve mund të jeni edhe ju.
Ku mund të qëndrojmë?
Thethi disponon disa bujtina dhe hane në të cilat ju mund të ndesheni me mikpritjen e shumëpërfolur të këtyre zonave. Disa prej të cilave janë: Bujtina Gjergj Harusha, Villa Gjecaj, Hotel Margjeka (Valbonë), Guesthouse Zorgji, , Bujtina Polina, Hotel Rilindja (Valbonë).
Ajo që duhet të specifikojmë është se nëse do të shkoni në Theth në më të shumtën e vendeve duhet të shkoni duke ecur. Por kjo nuk është diçka negative nëse marrim parasysh se ajri që e karakterizon Thethin është aq i pastër sa ju do të falenderoni veten që i dhatë mundësinë ta vizitoni.