Dihet se edhe ushqimi luan një rol themelor në uljen e rrezikut për të pësuar goditje në tru. Por cilat ushqime të zgjidhni? Një studim i fundit nga spitali “Brigham and Women” në Massachusetts, i paraqitur në takimin vjetor të sesioneve shkencore të Shoqatës Amerikane të Zemrës, zbuloi se yndyrnat dhe vajrat me bazë bimore kanë një efekt të shëndetshëm në parandalimin e rreziqeve të goditjes në tru.

Kërkimi zgjati gati 30 vjet

Pjesëmarrësit, nga të cilët 63% ishin gra, u ndoqën për më shumë se 27 vjet, përmes një sondazhi mbi zakonet e të ngrënit çdo katër vjet. Fillimisht asnjë nga më shumë se 100,000 vullnetarët nuk vuante nga sëmundje kardiovaskulare.

Rezultatet:

Gjatë kontrolleve periodike, ekipi i studiuesve vërejti se:

– Rreziku për të pasur një goditje në tru është ulur me 12% te ata që kishin konsumuar sasinë më të madhe të yndyrave bimore dhe të poli-pangopura sesa ata që kishin konsumuar më pak;

– Yndyrnat bimore përfshinin gjithashtu vajin e ullirit, sojën, luledielli dhe vajin e misrit.

Efekti negativ i yndyrave shtazore u rikonfirmua

Grupi i studimit zbuloi gjithashtu se në mesin e pjesëmarrësve që konsumonin sasinë më të madhe të yndyrave me bazë shtazore (mish ose salçiçe), rreziku i goditjes në tru ishte 16% më i lartë se ata që konsumonin më pak. Me një përjashtim: produktet e qumështit. Për momentin, në fakt, yndyrnat që rrjedhin nga produktet e qumështit, si djathi, gjalpi, qumështi, akullorja dhe kremi, nuk janë shoqëruar me probabilitet më të lartë për goditje në tru.

Është lloji i yndyrës dietike dhe jo sasia totale e konsumuar që ndikon në parandalimin e sëmundjeve kardiovaskulare, përfshirë goditjen në tru.

Lexo edhe: Yndyrat më të rrezikshme se sheqeri për diabetin