Aktori i humorit Bes Kallaku ndër të tjera ndan shpesh me fansat e tij momente familjare ku nuk ngurron të shprehë dashurinë për njerëzit më të dashur. Gjyshja që e ka rritur, ose siç e thërret ai, Ija është personi që zë vendin më special në zemrën e tij.

Ditën e djeshme ai i ka bërë një dedikim të ndjerë këtij njeriu kaq të veçantë për të.

Në preheërin ku lindën ëndrrat, dashuria, natyrshmëria dhe përulësia. Në prehërin që të përkëdhel edhe kur ti nuk je i mbështetur aty, kur të përkëdhel edhe kur je larg sepse vendi yt nuk ta ka siguruar dot të ardhmen. Në prehërin ku fotot e tua ndodh të lagen prej lotëve për largësinë tënde, për dashurinë që ka për ty dhe pafuqinë për të të shpupurisur flokët si fëmijë. Në prehërin ku jastëku të duket gur e ky prehër më i butë se shiu. Në prehërin ku pas çdo gabimi qortoheshe me dashurinë e zemrës. Në prehërin kur s’kishin asgjë vetë dhe neve na jepnin gjithçka. Në prehërin ku të urohet fati i një familjeje të bukur e të lumtur. Në prehërin ku sado i rritur të jesh, ti nuk rritesh kurrë.
(Ija ime, gjyshja ime që më rriti e më thotë çdo ditë, mos harro të vish te Nona)
Një përqafim për Nënat dhe gjyshet. Zoti na i rujt sa t’i kemi afër. 🙏

https://www.instagram.com/p/B2xNUTkHNMw/