Koronavirusi po sfidon prindërit në kaq shumë mënyra. Jemi duke u përshtatur me kaq shumë sfida të reja dhe për disa prindër, kjo do të thotë të ndahen nga fëmijët e tyre.
Këtë javë Andi Cohen po i mungon djalit të tij 1-vjeçar, Ben pasi Cohen u diagnostikua me COVID-19 dhe i duhej të karantinohej larg të birit. Të tjerë personazhe me profil të lartë publik, përfshirë Tom dhe Rita Hanks dhe Sophie Grégoire Trudeau, gruaja e Kryeministrit të Kanadasë po përballen me këtë betejë, të cilët janë izoluar larg fëmijëve të tyre pas një diagnoze COVID-19.
Duke folur në një emision këtë javë Cohen tha se Ben aktualisht është në kujdesin e një dadoje ndërsa babai i tij po shërohet.
“Do t’ju them atë që di nga kamera dhe nga videot, sepse nuk mund ta shoh atë, që është pjesa më e keqe,” tha Cohen. “Por ai është shkëlqyeshëm dhe dado e tij [e testuar] ka rezultuar negative ndaj virusit”.
Disa ditë në vetëizolim, Cohen po ndihet më mirë në përgjithësi, por prapë ka momente kur ndihet sikur virusi po e ndikon mjaft.
Shumë prindër janë lënduar që duhet të zhvendoseshin në një hapësirë të veçantë ndërsa dikush tjetër kujdeset për fëmijët e tyre, por është diçka që duhet të bëjnë ata që kanë rezultuar poztiv ndaj COVID-19.
Në mënyrë që të parandalojmë më shumë prindër që të mos izolohen larg fëmijëve të tyre, autoritetet shëndetësore thonë se gjëja më e mirë që të gjithë mund të bëjmë është të qëndrojmë në shtëpi dhe të praktikojmë distancën sociale.
