Omicron – varianti i ri, shumë i transmetueshëm i koronavirusit SARS-CoV-2 – ka pushtuar botën, duke rritur numrat e Covid-19 në masa të jashtëzakonshme çdo ditë. Megjithëse aktualisht ka një debat midis profesionistëve të shëndetit publik dhe ekspertëve të sëmundjeve infektive se sa “i butë” është varianti Omicron tek njerëzit, një numër studimesh kanë sugjeruar se sulmi i tij i dobët në mushkëri mund ta bëjë atë më pak të rrezikshëm se variantet fatale që dolën më parë, si Delta.

Megjithatë, pothuajse të gjithë shkencëtarët dhe profesionistët mjekësorë këshillojnë kujdes, duke pasur parasysh formën shumë të ndryshuar të virusit dhe numrin jashtëzakonisht të lartë të evolucioneve që varianti ka pësuar. Mes rritjes së rasteve me Covid-19, ndonjëherë është sfiduese për shumë qytetarë, kur përballen me simptoma që gjithashtu ngjajnë me ato të ftohjes së zakonshme ose gripit, të jenë të sigurt nëse janë të infektuar me Omicron.

Në të trija rastet e infeksionit të ftohjes së zakonshme, gripit ose sëmundjes koronavirus (Covid-19) të shkaktuar nga Omicron, simptomat përfshijnë dhimbje të fytit, rrjedhje hundësh, dhimbje trupi dhe temperaturë. Dyshimi kryesor, pothuajse në të gjitha këto raste, është ftohja e zakonshme. Mund të merret në konsideratë gjithashtu gripi, i cili tenton të arrijë kulmin në mes të dimrit nga fillimi i tetorit deri në mes të shkurtit.

Sidoqoftë, duke pasur parasysh që rastet e Omicron janë rritur globalisht gjatë ditëve të fundit, ka gjithashtu shumë të ngjarë që personi mund të ketë marrë variantin me përhapje të shpejtë.

Sipas ekspertëve, megjithatë, nuk ka asnjë mënyrë të shpejtë dhe të sigurt për të ditur nëse dikush ka Omicron. Profesor Eskild Petersen, i Spitalit Universitar Aarhus në Danimarkë, ka thënë nga një botim mediatik: “Një ftohje e zakonshme dhe Omicron, sipas mendimit tim, është e pamundur të dallohet”.

Ky këndvështrim i bëri jehonë edhe nga mjekut Andrew Freedman, një specialist i sëmundjeve infektive në Universitetin e Cardiff në MB. “Shumë njerëz, veçanërisht njerëzit e vaksinuar, po marrin atë që përndryshe do të konsiderohej si ftohja e zakonshme.”

Më poshtë keni të renditura disa simptoma të përgjithshme të Covid-19, gripit dhe ftohjes së zakonshme, të renditura sipas shpeshtësisë së tyre:

	Covid 19	Gripi	I ftohti
Kollë e thatë	e shpeshtë	e shpeshtë	herë pas here
Temperatura	e shpeshtë	e shpeshtë	rrallë
Hunda e bllokuar	rrallë	ndonjëherë	e shpeshtë
Dhimbje të fytit	ndonjëherë	ndonjëherë	e shpeshtë
Vështirësi në frymëmarrje	ndonjëherë	nuk vërehet	nuk vërehet
Dhimbje koke	e shpeshtë	e shpeshtë	nuk vërehet
Dhimbje trupi	ndonjëherë	e shpeshtë	e shpeshtë
Teshtimë	nuk vërehet	nuk vërehet	e shpeshtë
Lodhja	ndonjëherë	e shpeshtë	ndonjëherë
Diarre	rrallë	ndonjëherë	nuk vërehet

 

Megjithatë, këshilla më e mirë e dhënë nga profesionistët, si gjithmonë, është që të testoheni dhe të izoloheni në shtëpi në rast se shfaqen simptoma. Ndërsa ndjeshmëria e testeve të shpejta në zbulimin e Omicron mund të jetë pak më e ulët, ​​përgjithësisht konsiderohen si mënyra më e qëndrueshme dhe më e saktë për të zbuluar një infeksion të mundshëm Covid-19. Në rast se zbulohet Covid-19, mostra e pacientit do të dërgohet në një laborator përkatës për të zbuluar variantin e koronavirusit.

Lexo edhe: Varianti i ri Omicron më i butë, por përhapet më shpejt? Çfarë duhet të dimë?