Sipas mjekes pediatre Jill Irving për “Babycentre”, fëmijët nën 24 muajsh do të kenë shumë rrallë probleme gjatë udhëtimit me makinë, dhe këtu i referohemi trazimeve të stomakut (e zë makina).

Si ta kuptojmë kur një fëmijë e zë makina?

• Fillon me dhimbje barku dhe nuk bën rehat;
• Ka të përziera dhe më tepër pështymë në gojë;
• Është i nxehtë por i zbehtë dhe mund të ketë djersë.

Zakonisht kjo gjendje krijohet nga prania e aromave të forta gjatë udhëtimit apo nga rrugët me kthesa. Nëse e lëviz shumë kokën do të ndihet edhe më keq, gjithashtu nëse shikon një objekt nga afër.

Si ta bëjmë fëmijën tonë të ndihet më mirë gjatë udhëtimit?

• I planifikoni udhëtimet tuaja në një kohë që përkon me orën e gjumit të fëmijës;
• E vendosni fëmijën të flejë para udhëtimit dhe në momentin e nisjes (nëse nuk udhëtoni dot në momentin e gjumit) e vendosni në sexholino. Nëse do të ndihet keq do të jetë më tepër i predispozuar për t’u rikthyer në gjumë, pra nuk do të arrijë të vjellë.
• Mos e ushqeni shumë para nisjes;
• Nëse fëmija vjell i jepni gji apo formulë (ose ujë të zier) që të mos dehidratohet.
• E mbani makinën të freskët dhe mos e vishni shumë fëmijën.
• Vendosni mbrojtëse nga dielli në mënyrë që ai të mos detyrohet të kthejë kokën anash.
• Mos përdorni aromatizues makinash;
• Mos konsumoni në asnjë mënyrë duhan dhe mos përdorni as ju parfum gjatë udhëtimit;
• Hapni shpesh dritaret për të ajrosur makinën;
• Dëgjoni muzikën që fëmija juaj preferon më shumë.

[poll id=”11″]