Prej kohësh në media qarkullon lajmi i ndarjes së Nora Istrefit dhe Robert Berishës, i bërë publik nga vetë këngëtari. Por, asnjë prej të dyve nuk ka folur publikisht për këtë ngjarje të rëndësishme të jetës së tyre, deri në daljen e fundit publike të Robertit, ku ka sqaruar disa prej pikëpyetjeve lidhur me situatën e tyre.

“Unë kam thënë se vetëm vdekja më ndan prej Nora Istrefit dhe kjo është e vërtetë. Vetëm vdekja mund të ndajë nga nëna e fëmijës tënd. Ne do jemi gjithmonë prindërit e Rennesë dhe urojmë që ajo të ketë shëndet derisa të plaket.

Unë për Norën dhe Renenë sa të kem jetë do të jem i gatshëm të jap një veshkë për njërën e një për tjetrën. Vetë do të jetoj vetëm me zemër”, – është shprehur Roberti me pak nota humori, por që tregojnë shumë për raportin e tyre si një familje.