Shoqëria e kafshëve në fermë apo edhe macet, në të vërtetë, mund të “mësojnë” sistemin imunitar të mos reagojë ndaj substancave të padëmshme – siç ndodh me alergjitë – por të aktivizohet vetëm në prani të rreziqeve të vërteta për trupin. Kjo është ajo që del nga një studim i botuar në Gazetën e Alergjisë dhe Imunologjisë Klinike nga një grup studimor evropian i Universitetit të Zyrihut (Zvicër).

Eksperimenti në fermë

Autorët shpjegojnë, se dihet që mikroorganizmat e pranishëm në ferma mbrojnë fëmijët nga astma dhe alergjitë. Sidoqoftë, efekti i dobishëm mund të jetë për shkak të molekulave të tjera jo mikrobike si për shembull acidi sialik, i quajtur N-Glycolneuraminic (Neu5Gc), i pranishëm tek shumë kafshë bujqësore, që mungon në organizmin e njeriut, do të ishte efektiv kundër inflamacionit të indeve të mushkërive. Për të arritur në këtë përfundim, studiuesit matën përqendrimet e antitrupave Neu5Gc në gjakun e 1,135 fëmijëve në vit, katër vjeç e gjysmë dhe gjashtë vjeç. Ata pastaj krahasuan të dhënat e marra me rastet e astmës së regjistruar në mesin e pjesëmarrësve të vegjël. Në përfundim të studimit, u zbulua se fëmijët që jetonin në ferma kishin shumë më shumë antitrupa kundër Neu5Gc në gjak dhe ata me më shumë antitrupa vuanin më pak nga astma.

Konfirmimet në laborator

Shkencëtarët administruan gjithashtu molekulat Neu5Gc te disa minj astmatikë, duke zbuluar se trajtimi përmirësoi funksionin e mushkërive, duke zvogëluar simptomat e astmës. Për më tepër, ata vëzhguan se vendosja në kontakt me Neu5Gc nuk zvogëlon imunoglobulinën E, një antitrup që shpesh ndodh gjatë reaksioneve alergjike, por ka prodhuar një përgjigje anti-inflamatore të sistemit imunitar. Kjo ndodh përmes të ashtuquajturave qeliza T rregulluese, të cilat janë të pranishme në sasi të larta: sipas rezultateve, ato janë në gjendje të stimulojnë përgjigjet e pasakta të sistemit imunitar dhe të kenë një efekt të fortë anti-inflamator.

Lexo edhe: Pastërtia e tepërt nuk i bën mirë fëmijëve, ekspozojini ndaj baktereve