Gjithçka që duhet të dini për farat e linit:

Farat e linit janë shumë të pasura me acide yndyrore omega 3

Omega 3 është njohur gjithmonë për përmirësimin e qarkullimit të gjakut dhe efektet antiinflamatore. Gjithashtu ul rrezikun e diabetit të tipit 2 dhe të osteoporozës, apo thyerjes së kockave.

Ato përmbajnë gjithashtu fibra, proteina etj

Dy lugë fara lini përmbajnë 6 gramë fibra, që është sa një e katërta e sasisë së rekomanduar ditore, 4-5 gramë proteina dhe sigurojnë 10-20% të nevojave ditore për magnez, fosfor dhe tiaminë. Këto lëndë ndihmojnë në përmirësimin e gjumit, prodhimin e kolagjenit dhe shëndetin e kockave e lëkurës.

Kanë sasi të larta antioksidantësh

Fara e linit janë një burim kryesor i antioksidantëve veçanërisht ato të quajtura polifenole. Këto antioksidantë mendohet se na mbrojnë nga sëmundjet e zemrës dhe kanceri, si dhe nga stresi oksidues që dëmton qelizat, që do të thotë se mund të na mbrojnë nga plakja e parakohshme dhe sëmundjet neurodegjeneruese (si Alzheimer dhe Parkinson).

Mbrojnë zemrën

Farat e linit ulin presionin e gjakut, kolesterolin e keq dhe parandalojnë atakun në zemër.

Përmirësojnë tretjen

Fibrat që përmbajnë farat e linit zbutin jashtëqitjen, duke e bërë më të lehtë kalimin e saj të traktin tretës dhe eleminimin e saj.

Farat e linit mund të ulin rrezikun e kancerit

Përbërësit e gjendur në farat e linit nuk lejojnë rritjen dhe zhvillimin e qelizave kancerogjene. Kështu ato parandalojnë rrezikun tek individët e shëndetshëm dhe ulin ritmin e zhvillimit tek personat e prekur.

Mund t’ju ndihmojnë për të humbur peshë

Një nga llojet e fibrave që përmbajnë farat e linit jep ndjesinë e ngopjes më shpejt dhe për një kohë më të gjatë, kështu ju nuk do të ndjeni uri dhe do të pakësoni sasinë e ushqimit që hani nëse keni nevojë të rrëzoni disa kilogramë.

Përmirëson simptomat e paramenopauzës

Disa studime kanë treguar se konsumi i farave të linit, për shembull 20 gramëve në ditë, ndihmon gratë që janë para menopauzës për të ulur ndjesinë e nxehtësisë, vapës, apo skuqjes.

Është mirë që në shtëpinë tuaj, farat e linit t’i ruani në një vend të errët.

Lexo edhe: Farat e kungullit, 6 vlerat ushqyese