Bullizmi ka dëmtuar jo vetëm psikologjikisht një vajzë të re, por edhe fizikisht, duke i rrezikuar jetën asaj.

Courtney Whithorn tregon se vazhdimisht e kanë bërë të ndihet keq në shkollë, saqë vitin e fundit iu kthye në makth frekuentimi i mësimit dhe shumë shpesh mendonte ta braktiste.

Duke akumuluar gjithë stresin dhe ankthin që i shkaktonin bashkëmoshatarët, ajo “qetësonte” veten duke kafshuar thonjtë.

“Për shkak të stresit nuk arrija ta kuptoja që i kafshoja thonjtë aq shumë saqë fillonte të më dilte gjak”, tregon Courtney Whithorn.

Një ditë ajo vërejti se kur thonjtë rriteshin sërish, poshtë tyre kishte një vijë të zezë dhe nuk rritehsin më normalisht si më parë. Për të mbuluar këtë, vajza i mbante thonjtë të fashuar, ose i fshihte me manikyr, derisa ky problem u bë shqetësues dhe ia tregoi prindërve.

Pas konsultës dhe ekzaminimeve, rezultoi se ajo kishte një problem shumë serioz. Bëhej fjalë për melanomën, një lloj kanceri që shfaqet në thonj, pëllëmbat e duarve, ose shputat e këmbëve. Mjekët u detyruarn t’ja hiqnin gishtin për të mos lejuar që kanceri të përhapej në pjesë të tjera të trupit.

“Ende nuk e di nëse është përhapur apo jo në pjesë të tjera. Por do t’ju lutesha të gjithë atyre që përpiqen të lëndojnë të tjerët të mendohen mirë për fjalët që thonë, sepse dëmi që shkaktoni është mendor, emocional dhe fizik”, – shprehet ajo.

Mjekët thonë se ende duhen bërë kërkime për të vërtetuar nëse kafshimi i thonjve shkakton këtë kancer të lëkurës.

Lexo edhe: 7 shenjat ne lekure per te cilat duhet te tregoni gjithmone kujdes