Vajza e këngëtarit të njohur Blero ka festuar sot ditëlindjen. Divorci i prindërve të vogëlushes u përfol gjatë, mirëpo ditën e sotme Tara ka marrë urime të ngrohta nga e ëma, i ati por edhe partnerja e këtij të fundit.

Bukuroshja Afrona Dika e ka uruar përmes një postimi në profilin e saj në Instagram, ku i shkruan fjalë të ndjera me të cilat tregon se ka një marrëdhënie shumë të mirë me vajzën dhe ish-gruan e Bleros.

“Gëzuar ditëlindjen princeshë Tara! Sot është dita jote speciale dhe të uroj ditëlindjen më të bukur! Gëzuar, gëzuar ditëlindjen! Sa keq që s’mund ta kaloj këtë ditë speciale me ty! Të uroj më të mirat, shëndet, dashuri dhe fat në jetën tënde. Të takova 5 vite më parë si një vajzë e vogël e ëmbël… Koha fluturon kaq shpejt! Shiko si je tani… Je një vajzë e mirë dhe e edukuar falë dy prindërve të tu. Qëndro e përulur, pozitive, e ndjeshme dhe vajza e këndshme që gjithmonë ke qenë. Të uroj më të mirat! Me dashuri, Afrona”, shkruan ajo.

Ndërkohë edhe Blero i ka bërë një urim public së bijës, ku i thotë se e do më shumë se jetën e tij.

“Tara Muharremi. Urime ditëlindjen bija ime. Dashuri, emocion, ngrohtësi, inteligjencë… gjitha këto ti mi dhuron mua dhe të gjithë njerëzve që i ke rreth teje. Por gjëja që unë e veçoj pak ma shumë se tjerat virtyte tua është, që ti nuk je egoiste, por je përplot jetë dhe kujdes ndaj tjerëve. Karakteri qe ti ke formuar është krenari dhe bekim nga Zoti. Do të jem babë dhe shok i yti për sa të kem jetë. Kurse ti dije që, kur të vinë momentet e ndërlikuara në jetë, mundesh gjithmonë me thirr babin dhe babi rregullon gjithçka. Të dua ma shumë se vet jetën, gjithmonë do të jem super babi për ty!”