E largoni atë frikën se nuk do të keni mjaftueshëm qumësht për beben tuaj. Në vend të kësaj mendoni pozitivisht dhe ushqehuni në mënyrën e duhur.
5 ushqimet që rrisin prodhimin e qumështit të gjirit
Tërshëra
Një drith i pasur me proteina, karbohidrate, yndyrna, vitamina dhe minerale, gjithashtu stimulon prodhimin e oksitocinës dhe për pasojë prodhimin e qumështit. Duhet të merrni dy gota (e masni me gotë uji) me tërshërë në ditë.
Portokalli
Sasia e madhe e vitaminës C është shumë e rëndësishme për prodhimin e qumështit. Mund ta konsumoni në formë lëngu ose fruti.
Salmoni
Përveçse favorizon prodhimin e qumështit, ai përmban yndyrna shumë të rëndësishme për zhvillimin e sistemit nervor të fëmijës.
Supat
Kryesisht supa e merlucit është shumë e rekomandueshme. Do të mjaftojnë disa ditë rresht të hani këtë supë dhe do të vëreni ndryshime në sasinë e qumështit.
Karrotat
Gjatë shtatzanisë dhe gjidhënies është shumë e rëndësishme të konsumoni ushqime të pasura me vitaminën A siç është edhe karrota. Ajo ndihmon shumë në zhvillimin e mushkërive të fetusit, ndërsa në gjidhënie, beta-karroteni favorizon shëndetin e mirë të indeve të gjirit si edhe gjithë proçesin e gjidhënies. Mund të konsumohen në çfarëdolloj forme.
Mbani mend se është gjithashtu shumë e rëndësishme të pini edhe shumë ujë si edhe të qëndroni sa më e qetë. Mendoni se keni mjaftueshëm qumësht për fëmijën tuaj dhe mos dëgjoni asnjë fjalë të personave që ju rrethojnë.
Mbani mend se nëse fëmija juaj ka nevojë për shtesë këtë e vendos vetëm pediatri i fëmijës!

Lexoni dhe:Ushqimet qe ju ndihmojne ne humbjen e peshes dhe shtimin e prodhimit te qumeshtit.

[poll id=”8″]