Kockat e foshnjës: Rreth javës së 6-të, foshnjës fillojnë t’i rriten krahët, këmbët, duart – dhe gishtat rreth javës së 10-të.

Flokët dhe thonjtë: Lëkura fillon të formohet midis javëve 5 dhe 8, me gjëndrat e flokëve dhe vendi i thonjve që formohet rreth javës 11.

Sistemi tretës: Rreth rreth javës së 8-të, zorrët e foshnjës do të fillojnë të formohen, dhe foshnja juaj do të ketë tashmë veshkat.

Ndjenja e prekjes: Foshnja juaj do të ketë receptorë prekjeje në fytyrën e tij (kryesisht buzët dhe hundën) rreth javës së 8-të. Brenda javës 12, ai do të ketë receptorë në organet e tij gjenitale, pëllëmbët dhe thembrat e këmbëve.

Shikimi dhe sytë: nervat optikë (të cilët kalojnë informacionet nga sytë në tru) dhe lentet fillojnë të formohen deri në javën e 4, me retinën që fillon të formohet rreth javës 8.

Zemra: Deri në javën e 5, tubi që do të jetë zemra e foshnjës tuaj fillon të rrahë spontanisht. Do të bëhet më e fortë dhe më e rregullt – dhe do të keni mundësi ta dëgjoni! – rreth javës 9 ose 10 (megjithëse ndonjëherë më vonë, në varësi të pozicionit të foshnjës tuaj në mitrën tuaj).

Truri: Rreth javës së 8 të shtatëzanisë, truri i foshnjës tuaj do të lëvizë gjymtyrët e tij në zhvillim.

Ndjenja e shijes: Foshnja juaj do të ketë sytha të zhvilluara që lidhen me trurin e tij deri në javën e 8 – por ai do të ketë nevojë për poret e shijes para se të shijojë lëngun amniotik përreth (i cili, shijon si shija e vaktit që ju hani).

Pika të tjera kryesore në tremujorin e parë përfshijnë formimin e muskujve, prodhimin e qelizave të bardha të gjakut për të luftuar mikrobet dhe zhvillimin e kordave vokale.

Shumë gjëra ndodhin në trupin tuaj në tremujorin e parë.

Simptomat më të zakonshme të hershme të shtatzënisë që mund të përjetoni:

Të përzierat e mëngjesit: Fatkeqësisht kjo nuk ndodh vetëm në mëngjes – dhe zakonisht fillon rreth javës së 6-të të shtatëzanisë. Çaji me xhinxher mund të ndihmojë, si dhe konsumimi i ushqimeve në sasi më të vogla port ë shpeshta. Nëse të vjellat ose të përzierat janë të mëda ju mund të flisni me mjekun për të trajtuar simptomat.

Gjinjtë e fryrë: Të ndjeshëm, të fryrë dhe shumë të rritur.

Luhatjet e humorit: Mund të ndjeheni pa humor fare deri në javën e shtatë të shtatzënisë. Nëse ju duket sikur jeni në depresion bisedoni me mjekun.

Ndërsa shtatzënia juaj zhvillohet në këtë tremujor, ju mund të përjetoni shumë simptoma të tjera të shtatzënisë – djegie stomaku, kapsllëk, shije metalike në gojë, mungesë urie dhe dhimbje koke. Por tremujori i dytë do të jetë një lehtësim. Mbani mend gjithashtu se çdo grua ka simptoma të ndryshme. Pra vetëm se nëna ose motra juaj ka përjetuar urinim të shpeshtë apo ndonjë simptomë tjetër nuk do të thotë se kjo mund të ndodhë edhe me juve.

Simptomat e hershme të shtatzënisë

Shtimi i peshës. Foshnja juaj është akoma shumë e vogël – që do të thotë se të gjithë ju thonë se duhet të fitoni rreth 1.3 deri në 1.8 kg  në tremujorin e parë. Nëse vuani nga humbja e oreksit, madje mund të humbni disa kile. Edhe kjo është në rregull – për aq kohë sa shtimi i peshës tuaj të shtatëzënësisë do të ndodhë normalisht në tremujorin e dytë dhe të tretë. Tani për tani, përqendrohuni vetëm të hani vakte të shpeshta dhe të lehta.

Ndjeheni shumë të uritura? Mundohuni të kontrolloni konsumin tuaj të kalorive gjatë shtatëzanisë: Në të vërtetë nuk ju nevojiten kalori shtesë gjatë tremujorit të parë (megjithëse konsumi i ushqimeve do të rritet në tremujorin e dytë dhe të tretë). Nëse përfundoni duke fituar më shumë peshë sesa rekomandohet tani, mos u shqetësoni. Thjesht përqendrohuni që të bëni ushqyerjen sipas mënyrës së duhur nga tani.

Me të gjitha ndryshimet që po ndodhin në trupin tuaj gjatë shtatëzanisë, ju mund të pyesni veten se çfarë është normale – dhe çfarë jo. Në shumë raste, të therurat e çuditshme në bark nuk janë për t’u shqetësuar por duhet të kuptoni edhe se rreziku juaj për abort është më i lartë gjatë tremujorit të parë të shtatzënisë.

 Këtu janë disa simptoma që tregojnë se duhet të shkoni tek mjeku:

• Gjakderdhje e madhe vaginale
• Dhimbje të forta barku
• Etje e papritur
• Urinim i dhimbshëm
• Temperaturë mbi 38 gradë, të dridhura dhe / ose dhimbje shpine
• Fryrje e madhe në duar / fytyrë
• Çrregullime të shikimit

Nëse keni ndonjë nga simptomat e mësipërme, telefononi menjëherë mjekun ose shkoni në urgjencë.

Filloni një vitaminë prenatale. Nëse nuk e keni tashmë, filloni të merrni menjëherë një vitaminë prenatale – pasi  në tremujorin e parë është treguar se zvogëlon shumë rrezikun e defekteve të tubit nervor .

Zgjidhni mjekun që do t’ju ndjekë. Merrni kohë për të marrë në konsideratë opsionet tuaja dhe zgjidhni mjekun e duhur për nevojat tuaja.

Rezervoni vizitën tuaj të pare tek një gjinekolog. Mjeku juaj do të rishikojë historinë tuaj mjekësore dhe do të kryejë një ekzaminim të plotë fizik. Ju ka të gjasa t’i  nënshtroheni një sërë testesh dhe analizash. Mund të bëni dhe një vizitë me ultratinguj. Tregojini mjekut për çdo ilaç që mund të merrni dhe pyeteni për sigurinë e çdo medikamenti që do t’ju jepet.

Konsideroni testet gjenetike. Si analizat e Sindromës Doën apo edhe defektet e lindura të zemrës; bazuar në rreziqet tuaja.

Shikoni opsionet e sigurimit shëndetësor. Kostoja e shtatzënisë ndryshon në bazë të një numri faktorësh (dhe është shumë më e kushtueshme nëse nuk keni sigurim shëndetësor).

Krijoni një buxhet. Rritja e familjes tuaj është një kohë e shkëlqyer- dhe e nevojshme – për të rivlerësuar shpenzimet tuaja mujore. Kështu që mësoni për koston e lindjes së një fëmije, dhe atëherë vendosni buxhetin tuaj mujor.

Hani shëndetshëm. Tani është koha për të hequr kafeinën, si dhe për të mësuar se cilat ushqime duhet të shmangni dhe cilat duhet të përfshihen në dietën tuaj gjatë shtatëzanisë.

Gjeni kohën për fitnes. Ka shumë përfitime nga ushtrimet gjatë shtatëzanisë për ju dhe foshnjën.

Bëni seks. Është argëtuese dhe e sigurt për foshnjën – plus jus jell përfitime të dyve.

Filloni të mendoni për emrin e foshnjës. Nëse nuk keni një emër në mendje, nuk është kurrë herët të filloni të hidhni idetë.

Planifikoni t’ju tregoni të tjerëve për shtatzëninë. Mendoni se si dhe kur doni t’i tregoni miqve dhe familjes tuaj lajmin e mirë, dhe nëse dhe kur do ta shpallni në mediat sociale. Shumica e grave presin deri në fund të tremujorit të parë për ta bërë këtë, kur rreziku i abortit është më i ulët. Dhe nëse jeni të punësuara, filloni të mendoni se kur t’i tregoni shefit tuaj për shtatzënë dhe çfarë të thoni.

Në këtë periudhë të shtatzënisë, aborti spontan ka shumë mundësi të ndodhë, prandaj është e rëndësishme që të monitorohet progresi i shtatzënisë në mënyrën e duhur.

Vizita obstetrike

Zakonisht vizita e parë obstetrike gjatë shtatzënisë duhet të bëhet mes javës së shtatë dhe të dhjetë.

Gjatë këtij kontrolli, gjinekologu duhet të konstatojë zhvillimin e shtatzanisë dhe të përcaktojë datën e pritshme të lindjes.

Mjeku do të vlerësojë problemet në traktin gjenital, veçanërisht nëse kryhet me ultratinguj, ku dhe do të dëgjoni rrahjet e para të zemrës së foshnjës.

Vizita e parë është gjithashtu thelbësore për të planifikuar pjesën tjetër të shtatzënisë.

Mjeku do të krijojë një dosje në të cilën do të jenë të gjitha kontrollet tuaja gjatë kohës së shtatzanisë. Kjo është një mundësi e mirë për të marrë informacione dhe këshilla nga gjinekologu dhe mbi të gjitha për të planifikuar diagnozën para lindjes.

Testet e gjakut dhe urinës

Gjinekologu gjithashtu përshkruan testet e para të gjakut dhe urinës. Gratë shtatzëna gjithashtu duhet të shikojnë praninë e anemisë dhe sheqerit në gjak.

Analiza urinare bëhet për të identifikuar praninë e mundshme të një infeksioni në traktin urinar dhe diabetit.

Eko me ultratinguj përdor valët e zërit të frekuencës së lartë për të krijuar një imazh të mitrës dhe fetusit. Nëse bëhet para javës së njëmbëdhjetë duke përdorur një sondë transvaginale. Me këtë ju shikoni datën e lindjes, por edhe numrin e embrioneve, duke përjashtuar keqformime.

Lexo edhe: Ushqyerja gjate trimestrit te pare te shtatzanise