Pasi nëna ka sjellë në jetë një fëmijë në mëndjen e saj fillojnë të shfaqen shumë pyetje ndër to më të shpeshtat janë si më poshtë:

Përse fecet e tij janë me ngjyrë jeshile?

Kjo ndodh zakonisht me fëmijët që ushqehen me qumësht formule dhe shkaktohet nga sasia e madhe e hekurit që prodhon ky qumësht,  gjithashtu te femijët që ushqehen me qumësht gjiri mund të shkaktohen nga prania e kazeines.

Perse fëmija nuk reagon ndaj zhurmave të jashtme?

Ai mund të flejë i qetë edhe ndërsa një qen mund të lehë jashtë, ata nuk reagojnë sepse janë mësuar kështu që në uterus pra, të dëgjojnë tinguj dhe të mos reagojnë.

Përse koka e tij ështe e butë?

Kjo ndodh pasi fëmija në kokë ka disa fontanela, këto hapësira të buta mes kockave e ndihmojnë atë  që në momentin e lindjes të kalojë pa problem në kanalin e lindjes, pra nuk duhet të shqetësoheni. Ato fillojnë të mbyllen nga muaji i 3-6.

Përse bebet qajnë pa lotë?

Tek bebet kanali i lotit është aq i vogël sa nuk e mundëson nxjerrjen e tyre jashtë. Në më te shumtat e rasteve kjo rregullohet në mënyrë spontane brenda vitit të parë të jetës.

Përse  fëmija teshtin vazhdimisht?

Kjo nuk tregon që fëmija ështe ftohur por ndodh sepse në rrugët e tij të frymëmarrjes gjendet ende lëng amniotik i cili del jashtë pikërisht me anë te teshtimave.