Disa baballarë mund të ndihen të lënë mënjanë kur nëna i jep gji fëmijës. Prandaj, është mirë që të përpiqeni të mendoni për mënyrat për ta përfshirë atë. Mbështetja e partnerit mund të bëjë ndryshime të mëdha për mirë në proçesin e gjidhënies.

Tregojini partnerit sesa e rëndësishme është që të ushqeheni fëmijën me gji. Sigurojini atij se ushqyerja me gji merr një pjesë të vogël të fëmijërisë. Dhe ndërsa ushqyerja me gji është e rëndësishme, ajo është vetëm një element i nevojave për fëmijën tuaj.

Partneri mund të kalojë kohë të veçantë edhe me foshnjën tuaj, duke e larë atë, duke pasur kontakt lëkurë me lëkurë me të, ose duke e nxjerrë jashtë. Kjo gjithashtu do t’i japë nënës kohë për  pushim, pasi ushqyerja me gji kërkon kohë dhe energji.

Masazhimi gjithashtu ndihmon foshnjat të krijojnë lidhje me baballarët e tyre. Nëse fytyra e foshnjës shpreh gëzim kur sheh babain, ai do të sigurohet se është po aq i rëndësishëm dhe i nevojshëm, pavarësisht se ushqyerja me gji është ekskluziviteti juaj.

Ka mënyra për të përfshirë partnerin tuaj në ushqyerjen me gji. Ju mund ta lini fëmijën tek ai menjëherë pasi e keni ushqyer dhe më pas t’i jepni një përqafim të dyve.

Ky është një mesazh i rëndësishëm për fëmijën, pasi e mëson me idenë se do ta marrë dashurinë gjithmonë, jo vetëm kur e ushqeni.

Muajt e parë me një fëmijë janë të vështira për shumicën e çifteve. Ndërsa po punoni në modelin e ri që po merr familja, vazhdoni të bisedoni me njëri-tjetrin rreth asaj që mendoni se po shkon mirë dhe jo aq mirë. Një shtëpi e qetë, është më e mira për çiftin dhe fëmijën.

Lexo edhe: Ja kush mund t’i ndihmoje me shume nenat qe ushqejne femijet me gji