Gratë kanë tani justifikimin perfekt për të dalë me shoqet e tyre 2 herë në javë. Sipas një studimi të ri gratë duhet të dalin të paktën 2 herë në javë me mikeshat e tyre për të përmirësuar shëndetin e tyre të përgjithshëm.

Studimi u krye nga një grup ekspertësh nga Universiteti i Oxford-it dhe zbuloi gjërat për të cilat një femër ka nevojë për “të arritur” lumturinë në të gjitha aspektet e jetës. Sipas tyre një grua duhet të ndihet e lirë për të dalë me shoqet e saj të paktën 2 herë në javë.

Autori kryesor i këtij studimi, psikologu Robin Dunbar tha në një intervistë për “The Vancouver Sun” se studimi që ai drejtoi ka zbuluar se mirëqenia dhe shëndeti i përgjithshëm i një gruaje përmirësohet kur ajo takohet me shoqet e saj për të bërë bisedat apo aktivitetet e tyre të preferuara të paktën 2 herë në javë.

Sipas studimit këto takime përfshijnë konsumimin e një pije, thashethemet, shkëmbimin e këshillave dhe kryerjen e aktiviteteve të ndryshme së bashku. Përfitimet shëndetësore nga këto takime miqësore përfshijnë: rikuperimin e shpejtë nga sëmundjet, përmirësimin e gjendjes emocionale si dhe i bën gratë të ndihen më energjike.

Por jo të gjitha gratë janë në gjendje ta bëjnë këtë gjë. Sipas studimit vetëm 2 nga 5 gra ishin në gjendje të takoheshin me mikeshat e tyre 2 herë në javë, madje nëse këto gra kishin fëmijë për të cilët duhej të kujdeseshin mesatarja e numrit të takimeve ishte edhe më e vogël.

Gratë kanë një jetë të vështirë dhe “stresuese”, madje shpesh ndihen fajtore kur dalin me shoqet për të kaluar një kohë të bukur dhe i lënë fëmijët e tyre në shtëpi. Por duhet të kuptojmë që edhe neve na duhet pak kohë për të menduar për veten tonë e për të kaluar disa momente me mikeshat tona duke konsumuar  një pije e duke biseduar me to. Edhe ne kemi jetën tonë!!!

Lexoni dhe: 7 menyra per t’u ndier te bukura pas lindjes

')}