Fëmija ka nevojë të marrë të gjithë elementët nga ushqimet, të cilat janë:

• 55-60% karbohidrate;
• 1-12% proteina;
• 25-30% yndyrna.

Sipas Claudio Mafferis , profesor në Universitetin e Veronës është shumë e rëndësishme që dieta e fëmijës të jetë tepër e shëndetshme në mënyrë që të pengohet favorizimi I obezitetit. Një dietë e pasur me proteina dhe kalori është një faktor tepër i madh rreziku. Duke qënë se makaronat e furnizojnë organizmin me karbohidrate komplekse , të cilat përthithen shumë ngadalë.

Sa makarona duhet të konsumojnë fëmijët?

Sipas ekspertëve, fëmija duhet të konsumojë rreth 30-80 gr makarona për vakt. Ky ushqim tipik i dietës mesdhetare, mund të ofrojë për organizmin e fëmijës nga 200-400 kcal (kalori) për vakt. Fëmija nuk duhet të ngopet me makarona, por të ushqehet në mënyrën e duhur, dhe kështu ato duhet të shoqërohen edhe me perime apo lëng mishi. Gjithashtu ajo mund të shoqërohet edhe me peshk apo bishtajore në mënyrë që të mund të merren edhe sasitë e nevojshme të proteinave. Në këtë mënyrë vakti do të jetë i plotë (proteina, karbohidrate, yndyrna).

Gjatë fillimit të ushqyerjes mund të përdorni ushqime me shije jo të forta, dhe më pas të përdorni edhe makaronat e posaçme për bebe. Nëse ato do të ishin integrale do të kenë më pak kalori (makarona, oriz etj). Ato mund të shoqërohen me një burim proteinash dhe vaj ulliri ekstra të virgjër.

Lexoni dhe: Si te gatuajme makarona per bebet?