Jemi në stinën kur mushkonjat janë kthyer në një shqetësim për të gjitha nënat duke qënë se “preja” e tyre e preferuar është pikërisht fëmija i tyre. Mjetet që mund të përdorim për t’u mbrojtur prej tyre janë të shumta, por sa të sigurta janë?

Mjetet mbrojtëse kundër mushkonjave!

• Spiralet djegëse. Këtë nuk duhet ta përdorni kurrë ndërsa keni në shtëpi një fëmijë. Gjatë djegies ato largojnë mushkonjat por tymi mund të shkaktojë probleme dhe irritime në rrugët e frymëmarrjes së fëmijës. Tymi i saj është baraz me djegien e 137 cigareve njëkohësisht për një fëmijë.
• Locionet kundër mushkonjave. Këto janë “të preferuarat” kur vjen puna tek fëmija. Edhe pse janë efektive duhet të dini se nuk përdoren tek fëmijët nën 2 muajsh. Ato nuk duhet të aplikohen asnjëherë rreth syve dhe gojës së fëmijës të çfarëdolloj moshe, as tek duart pasi mund t’i fusë në gojë.
• Aromatizuesi kundër mushkonjave. Ai përhapet në ajër me anën e avullit. Mos i përdorni ndërsa fëmija është në dhomë, por para se ai të shkojë në të. E vendosni larg krevatit të bebes, zakonisht pranë derës apo dritares.
• Sprai kundër mushkonjave. Nuk është aspak i sigurt tek fëmijët, pasi përmban kimikate që dëmtojnë shëndetin e tij. Nëse thithet nga poret e lëkurës mund të shkaktojë helmim.

Lexoni me kujdes udhëzimet e çdo produkti kundër insekteve! Ato mund të jenë helmuese jo vetëm për fëmijën por edhe për ju.

Lexoni dhe: Te mbrojme femijet nga mushkonjat