Rreziku për fëmijën nuk është vetëm jashtë por edhe brenda shtëpisë dhe fatkeqsisht incidentet që ndodhin në shtëpi janë tepër të shpeshta. Fëmija mund të rrezohet nga një mobilje, të rrëshqasë në një tapet, të bjerë nga shkallët etj, duke bërë që të rritet numri i rasteve të fëmijëvë që paraqiten në urgjencë.

Fëmijët janë tepër të rrezikuar

Dhe bashkë me ta edhe të moshuarit. Vendi më i rrezikshëm konsiderohet kuzhina, por edhe banjoja me ballkonin dhe kopështin konsiderohen tepër të rrezikshme.

Disa këshilla praktike

Për të evituar disa incidente duhet të merrni disa masa paraprake:

• Ai duhet të ketë një qëndrueshmëri të mirë në dysheme dhe të ketë të kapura diku cepat në mënyrë që të mos krijojë rrudha. Poshtë tij mund të vendosni një gomë kundër rrëshqitjes.
• Sidomos natën duhet të lini gjithmonë një dritë ndezur sado e vogël të jetë. Kujdes me objektet e vendosura në tokë si për shembull lodrat pasi ndodh shpesh që të biesh si pasojë e një makine prej lodre.
• Shkallët. Kontrolloni mirë tapetin që mund të keni vendosur, poziciononi mirë mbrojtëset anësore, si edhe hyrjen kryesore pasi fëmija mund të fillojë t’i zbresë dhe të bjerë. Ndërsa ai është i vogël mund të vendosni tek fillimi i shkallëve një derë druri që të mund ta hapni vetëm ju.
• Dyshemetë. Duhet të jenë gjithmonë të thata dhe nëse i llustroni (kur kemi të bëjmë me parket) duhet të tregoni kujdesin maksimal me fëmijët.
• Vlejnë të gjitha masat kundër-rreshqitëse sado absurde që mund të jenë. Vendosni copa plastike tek dushi, tapetë kundër rrëshqitjes, doreza për t’u mbajtur etj.

Mos e nënvlerësoni asnjë masë kundër rrëzimit të fëmijës. Kujdes me krevatin ku fle fëmija. Vendosni jastëkë poshtë tij në mënyrë që fëmija edhe sikur të bjerë të jetë i sigurt sipër tyre.