Kravata është simboli i hijeshisë mashkullore. Në disa mjedise, kryesisht të punës, veshja e saj është pothuajse e detyrueshme. Por kini kujdes: shtrëngimi i nyjeve të lidhjes mund të zvogëlojë rrjedhën e gjakut në tru. Kjo është zbuluar nga një hulumtim nga Universiti Wtsklinikum Schleswig-Holstein në Kiel, Gjermani, botuar në revistën mjekësore Neuroradiology.
Studimi me rezonancë magnetike
Studiuesit gjermanë shqyrtuan dy grupe me pesëmbëdhjetë të rinj. Grupi i parë veshi një kravatë me nyje, dhe iu nënshtrua tri rezonancave magnetike. Ndërsa grupi tjetër vetëm iu nënshtrua rezonancave. Në fazën e parë dhe të tretë në rezonancë, grupi i parë e kishte nyjen e kravatës të lirshme dhe jakën të hapur. Ndërsa në fazën e dytë nyja ishte bërë më e fortë dhe kopsa e parë e këmishës e mbyllur.
Nga analiza ishte e qartë se qarkullimi i gjakut në tru kalon një reduktim mesatar prej 7.5% pas mbylljes së nyjes dhe kopsës. Një zvogëlim që shkon mesatarisht rreth 5.7% edhe pasi nyja e qafës është liruar. Në përgjithësi, të gjithë ata që mbanin një kravatë treguan një rënie në rrjedhën e gjakut cerebral. Për pesë djem rënia ishte edhe më e lartë se 10%. Në të kundërt, në grupin e dytë ka pasur edhe një rritje të lehtë në rrjedhën e gjakut pas rezonancës së dytë.
