Mjekët specialistë e udhëzojnë gruan të marrë vitaminat e duhura nëpërmjet ushqimeve por edhe nëpërmjet kokrrave. Ato janë shumë të rëndësishme dhe ndër të cilat do të theksonim acidin docosoesanoic, DHA i cili është shumë i rëndësishëm në lidhje me zhvillimin e fetusit. Zakonisht këshillohen të merren rreth 400 mg në ditë në mënyrë që të favorizohet zhvillimi i aftësive njohëse si edhe aftësive përqëndruese të fëmijës në periudhën shkollore.

DHA

Rëndësia e këtij elementi u theksua në një studim të publikuar në American Journal of Clinical nutrition, ku u theksua rëndësia e DHA, pra omega-3 dhe omega-6, kryesisht në retinën dhe sinapset e organizmit të fëmijës. Roli i rëndësishëm i tyre u theksua kryesisht në rritjen e neuroneve, në favorizimin e zhvillimit të mirë të membranave të qelizave si edhe mbijetesën neuronale. DHA ndikon pozitivisht edhe në disa proçese që lidhen me memorien dhe përqëndrimin e fëmijës, por edhe në dëgjim apo shijim. DHA duhet të merret në mënyrë orale pasi në mënyrë spontane mund të sintetizohet në sasi të limituar, pra nëpërmjet ushqimit nuk do të jetë i mjaftueshëm për një funksionim të mirë neural.

Një rëndësi tjetër e DHA lidhet edhe me qelizat e gjakut që ndodhen në kordonin ombelikal të cilat ndikojnë në aftësitë njohëse të fëmijës, duke theksuar gjithashtu se nëse gjenden në sasi të vogla rrisin rrezikun e lindjes së parakohshme, peshës së vogël në lindje etj.