Patate të ëmbla me pulë

Përbërësit

• 2 copa gjoks pule;
• pak kripë;
• 4 kokrra patate të ëmbla;
• 2 fleta qepe të grira.

Kremi (salca)

• 3 lugë majonezë
• gjysmë gote ketchup;
• pak salcë të përbërë nga mustarda, ajkë qumështi, qepë hudhra e erëza;
• pluhur hudhre;
• kripë.

Përgatitja:

1. Parangrohni furrën dhe ndërkohë lani patatet e ëmbla e shpojini me një pirun. Edhe gjoksin e pulës marinojeni me kripë nga të dyja anët dhe vendosini në një tavë e lërini në furrë.
2. Kur mishi i pulës të jetë gati, hiqeni, ndërsa patetet lërini ende në furrë.
3. Copëtojeni pulën, përzieni gjithë përbërësit e salcës dhe bashkojini me të.
4. Shtoni edhe qepët jehsile, edhe djathë sipas dëshirës.
5. Kur të jenë gati edhe patatet, ndajini në mes dhe mbushini me përbërjen që krijuat.

Qofte me salcë

Përbërësit:

• 2 lugë vaj ulliri;
• 2 hudhra të grira;
• pak rigon të tharë;
• piper të kuq;
• 1 lugë salcë domate;
• 1 majë luge kripë;
• 1 majë luge sheqer;
• gjysmë kilogram mish të grirë të mbledhur në formë qoftesh;
• 1 filxhan djathë mocarela.

Përgatitja:

1. Në një tigan me nxehtësi mesatare, ngrohni vajin, shtoni aty hudhrën, rigonin dhe piperin dhe lërini bashkë përreth 1 minutë. Më pas shtojmë salcën e domateve, kripë dhe sheqer dhe i lëmë në zjarr mesatar, derisa të ndërlidhen e të marrin shijen e njëra-tjetrës.
2. Më pas shtojmë qoftet dhe i lëmë të mbulohen me salcën e krijuar.
3. Ulni nxhetësinë dhe lërini të bëhen për 20-25 minuta.
4. Në fund shtoni edhe djathin, rrisni nxehtësinë, duke u siguruar që të mos dgjen dhe pas 1-2 minutash hiqini nga zjarri.

Pica

Përbërësit:

• 20 biskota të shkrifëta (jo të ëmbla);
• pak salcë pice;
• 30 feta sallam pice;
• 2 filxhanë me djathë mocarela;

Përgatitja

1. Parangrohni furrën dhe lyeni një tave me pak vaj. Shtroni një pjesë të biskotave në të. Mbulojini me gjysmën e salcës. Në fund shtoni sallam dhe djathë.
2. Përsëriteni këtë me pjesën e mbetur të përbërësve.
3. Lërini të piqen për 20-25 minuta.