Çifti nga New York-u ka ndërmarrë veprime kundër Klinikës së Fertilitetit të CHA pasi ata pohojnë se gruaja ka ngelur shtatzënë duke i injektuar embrionet e gabuara në vitin 2018.

Gjatë kontrolleve të shtatzënisë, çifti ka mësuar se ishin në pritje të dy djemve binjakë, pavarësisht se mjekët pretendonin që kishin përdorur vetëm embrione femra për procedurën.

Sipas padisë së tyre, ata pretendojnë se klinika e dinte për kombinimin e embrionit, por këshilloi çiftin të vazhdonte me shtatzëninë.

Në dokumentet e gjykatës, çifti aziatiko-amerikan thotë se ata shpenzuan më shumë se 100,000 dollarë për shërbimet e fekondimit in vitro për të ngelur shtatzënë, por kur fëmijët lindën në mars, prindërit u tronditën pasi panë se foshnjat nuk kishin origjinë aziatike.

Një test i ADN-së që u krye pas lindjes konfirmoi se binjakët i përkisnin një çifti tjetër. Më pas ata u detyruan t’u jepnin foshnjat prindërve të tyre biologjikë.

Çifti ende nuk e di se çfarë ndodhi me dy embrionet e tyre që duhej të ishin futur në barkun e nënës.

Ata tani po hedhin në gjyq klinikën e fertilitetit për neglizhencë mjekësore duke ngritur ndaj tyre edhe 14 akuza të tjera. Ata gjithashtu pohuan se ata kanë vuajtur nga “shqetësime të rëndësishme emocionale”.

Avokati që përfaqësonte çiftin e paidentifikuar tha se ata “pësuan lëndime traumatike emocionale dhe humbje financiare” dhe se po paraqesin padi si për kompensim ashtu edhe për të “siguruar që kjo tragjedi të mos përsëritet më kurrë”.

Lexo edhe: Cfare eshte IVF (fertizilimi in-vitro)?