Lodhja fizike dhe mendore ëshë shumë normale pas lindjes, dhe do të përjetohet kryesisht nga nënat. Atëherë si duhet të veprojë nëna e re? ekspertët flasin në lidhje me ndryshimin e stilit të jetesës.

Si ta bëjmë jetën më të bukur pas lindjes?

• Vlerësoni gjërat e vogla që ju bëjnë të lumtur

Mos u lidhni më pas kujtimeve të jetës së dikurshme. Mendoni se jeta tashmë ju ka buzëqeshur duke ju dhënë një familje të bukur dhe fëmijë të shendetshëm në krah.

• E filloni ditën në mënyrën e duhur

E filloni ditën pa stres. Gabimi i parë është ndezja e televizorit, radios apo muzikës në telefon. E nisni ditën me qetësi dhe lëvizje jo të shpejta. Organizimi është tepër i rëndësishëm.

• Kujdes me ushqimin

Dieta ushqimore ndikon në mirëqënien tonë jo vetëm në lidhje me atë cfarë hamë por edhe në lidhje me mënyrën si e bëjmë këtë. Ambienti duhet të jetë i qetë dhe pa stres, duke qëndruar në tavolinën e kuzhinës.

• Përcaktoni mirë qëllimet tuaja

Mos e mbingarkoni veten. Qëllimet duhet t’ju motivojnë por duhet të kenë një kufi. Nëse mendoni se diçka nuk e arrini dot e rishikoni edhe njëherë nëse është vërtet e rëndësishme të bëhet në atë moment.

• Ndryshoni pamjen e shtëpisë

Nuk është e domosdoshme blerja e sendeve të reja. Uluni dhe mendoni si duhej të dukej shtëpia në mënyrë që ju të mund të ndiheshit sa më e qetë.