Diarreja duhet të mbahet nën kontroll duke qënë se mund të shkaktojë edhe dehidratim. Ajo mund të shkaktohet nga një infeksion i rotavirusit, dhe në këtë rast zgjat 3-10 ditë por mund të vijë edhe si pasojë e:

• Ndjeshmërisë ndaj një ushqimi të caktuar;
• Bakteri;
• Viruseve;
• Parazitëve;
• Medikamenteve;
• Mosfunksionim të mirë të zorrëve.

Në rast diarreje duhet të komunikoni me mjekun pasi fëmija mund të dehidratohet brenda 1-2 ditëve.

Cilat janë ushqimet që duhet të evitoni nëse fëmija ka diarre?

• Produktet e bulmetit (përveç kosit, por gjithsesi pyesni edhe mjekun);
• Frutat si: pjeshkë, dardhat, kumbullat, kajsitë;
• Ushqimet me shumë fibra.

Cilat janë ushqimet që rekomandohen të përdoren?

• Bananet;
• Orizi;
• Buka, kryesisht ajo e thekur;
• Makaronat;
• Patatet e verdha;
• Pureja e mollës.

Pureja e mollës?

Po! Është pureja e mollës e cila përmban pektinat dhe ndalon diarrenë. Lëngu i mollës përdoret për të lehtësuar konstipacionin.