Edhe në ditët e sotme lindjet prematurë përbëjnë një rrezik të madh për shëndetin e fëmijës. Një nga komplikacionet më të mëdha që shfaqet në rastin e një lindje para kohe është paaftësia e mushkërive për të kryer funksionin e tyre si pasojë e një zhvillimi jo të mjaftueshëm brenda barkut të nënës. Shpesh bebi pas një lindje prematurë mund të përjetojë edhe një stres respirator (në frymëmarrje).
Zhvillimi i mushkërive të bebes brenda barkut të nënës
Etapat më të rëndësishme të zhvillimit të mushkërive të fetusit ndahen në 3 faza:
• Në atë të javës së 20-të;
• Të javës së 24-t;
• Të javës 20-36-të.
Të gjitha gratë që kanë një rrezik për lindje të parakohshme duke filluar nga java e 24-t deri në javën e 33+6, duhet të marrin një trajtim me kortikosteroidë të cilat do të vihen në funskion të pjekjes së mushkërive të bebes. Efikasiteti i medikamentit vërehet pas 24 orësh deri në 7-të pasi është marrë edhe doza e dytë.
Kur lindja do të ndodhë me operacion çezarian…
Sipas disa studimeve, lindjet e kryera me operacion çezarian para javës së 39-të kanë një rrezik më të madh për të zhvilluar probleme në frymëmarrje dhe për këtë arsye nëna duhet të marrë një dozë të caktuar kortikosteroidësh.
Cilët janë kortikosteroidët që zakonisht përdoren?
• Betametazoni: 12 mg i ndarë në dy doza të marra në një distancë prej 24 orësh;
• Desametazoni: 6 mg i ndarë në 4 doza me distancë prej 12 orësh.