Sipas mjekëve ekspertë ato çfarë fëmija zhvillon që në barkun e nënës janë:

 Njeh zhurmat
Femija në barkun e nënës mëson të dallojë zhurmat, dhe kjo vihet re edhe pas lindjes. Ai reagon në mënyrë ndryshe ndaj zërit të nënës, dhe kjo sipas mjekëve për shkak se zërin e nënës ai e ka ndier si një zë të ambientit të brendshëm ku ka qëndruar, ndërsa të tjerët si tinguj të ambientit të jashtëm.
 Aftësia për të përthithur informacionet në gjuhën e nënës
Aftësia për të mësuar gjuhën e nënës është një tjetër aspekt që zhvillohet që në barkun e nënës. Është provuar se bebet e vogla i marrin “mësimet” e tyre të para nga gjuha që përdor nëna, pra ata përthithin më mirë informacionet që vijnë nga gjuha që flet nëna e tyre.
 Shikon dritë
Fëmija brenda barkut të nënës është një gjendje të shikojë dritën që vjen nga ambient i jashtëm, kjo pasi ai ka filluar të hapë sytë.
 Fillon të shijojë
Shqisa e të shijuarit fillon të zhvillohet rreth javës së 14-të. Shija e ushqimeve që nëna ka konsumuar gjatë shtatëzanisë do të ndikojnë edhe në preferencat ushqimore të fëmijës.
 E ndien aromën e nënës
Fëmija e ndien aromën e nënës, e cila do të bëjë që ai të njohë menjëherë atë pas lindjes.
 Ai ëndërron!
Rreth javës së 32-36 të shtatëzanisë fëmija fillon të fitojë aftësinë e të ëndërruarit, por se çfarë ai është duke ëndërruar askush nuk mund ta përcaktojë duke qënë se valët e trurit të tij nuk mund të monitorohen, të paktën deri në këtë moment jo!

Lexoni edhe: Si te stimulojme levizjet e femijes ne barkun e nenes?