Në gjysmën e rasteve të infertilitetit në çift origjina është mashkullore, dhe diçka e tillë mund të vërtetohet me anën e një vizite tek mjeku androlog për të bërë analizë të lëngut seminal ose urolog.
Mungesa e informacionit
Meshkujt nuk kanë shumë njohuri në lidhje me faktorët që mund të shkaktojnë infertilitet tek ata, dhe për këtë asrye kemi sjellë 6 rregullat që ata duhet të ndjekin për të parandaluar një problem të tillë.
- Reduktoni yndyrnat: nëse ndodh e kundërta do të ulet përqëndrimi i spermatozoidëve. Ndërsa omega-3 favorizon morfologjinë normale të spermatozoidëve. Është e rëndësishme të konsumohen ushqime pa përmbajte pesticidesh.
- Mbani nën kontroll peshën trupore: obeziteti ul nivelet e testosteronit, duke çrregulluar cilësinë dhe sasinë e lëngut seminal.
- Mos pini duhan: duhani do të ulë lëvizshmërinë e spermatozoidëve si edhe do të shkaktojë anomali tek ata.
- Mos e teproni me alkoolin: abuzimi me alkoolin është diçka helmuese për testikujt. Por edhe një konsum i përhershëm edhe pse në sasi të vogla mund të ndikojë negativisht në fertilitet.
- Mos e teproni me aktivitetet sportive: probleme do të ketë kryesisht nëse merren androgjenë për të përmirësuar veprimtarinë, gjë e cila ndrydh spermatogjenezën dhe ul volumin e testikujve. Efektet e pezullimit të marrjes së androgjenëve vihen re pas rreth 2 vjetësh.
- Mos konsumoni drogë: duke filluar që nga marijuana. Të gjitha drogat ndikojnë negativisht në cilësinë e spermës dhe jetëgjatësinë e spermatozoidëve.
Kini parasysh se një vizitë e bërë tek mjeku mund të kapë në kohë një problem të mundshëm dhe për pasojë zgjidhja të jetë më efektive dhe e shpejt
