Blogerja Lydia Barakat është nëna e një vogëlusheje dhe prej kohësh është shprehur në rrjetet e saj sociale se dëshiron të bëhet nënë për herë të dytë. Kur postoi një foto të një testi pozitiv, për pak çaste të gjithë që e panë përjetuan gëzim, por shkrimi krahas fotos ishte i dhimbshëm. Ende pa ndarë lajmin për pritjen e ëmbël, ajo mësoi se ëngjëllit në barkun e saj nuk i rrihte më zemra.

Më poshtë keni gjithë përjetimin e saj, të shprehur në disa rreshta në Instagram.

Asgjë nuk mund t’ju përgatisë kurrë për fjalët “nuk dëgjohen rrahje zemre” .. Unë do ta postoja këtë foto 3 javë më parë për të njoftuar se fëmija ynë i dytë, engjëlli ynë i dytë  kishte nisur rrugën për të ardhur tek ne në mars të vitit 2020, por në kontrollin rutinë të javës së nëntë, mjekët më thanë që dhurata jonë e çmuar nuk kishte më rrahje zemre.

Mbaj mend që ndjeva një shtrëngim në fyt dhe mu duk sikur isha gati të shpërtheja në të qara, por nuk bëra asgjë. Përkundrazi i mbajta të gjitha brenda dhe thjesht qëndrova shtrirë ndërsa dëgjoja doktorin të fliste.

Me të vërtetë, nuk mbaj mend saktësisht se çfarë tha ai pas kësaj sepse u zbeha dhe u shpërqëndrova plotësisht. Kisha kaq shumë pyetje për t’i bërë, por nuk kishte asnjë mënyrë që të nxirrja zë pa shpërthyer në lotë.

Kjo duhet të jetë një nga gjërat më të këqija që mund t’i ndodhë një prindi. E gjithë kjo situatë jo vetëm më ka thyer zemrën, por më ka traumatizuar. Unë e kam dëshiruar këtë për kaq shumë kohë dhe jam përpjekur aq shumë shumë për të e gjithçka krejt papritur m’u shemb.

Ngarkesa e rëndë emocionale nuk ka qenë vetëm për mua, por edhe për burrin tim. Unë kurrë nuk kam dashur të fitoj simpati përmes postimeve dhe as që do ta postoja këtë megjithatë mendova se ishte e drejtë ta ndaja këtë përvojë me ju të gjithë pasi e di që nuk jam vetëm në këtë që më ndodhi dhe dua që nënat e tjera ta dinë se kjo mund t’i ndodhë edhe me të mirës prej nesh. Charbel dhe unë ende po përpiqemi ta tejkalojmë të gjithën dhe thjesht ju kërkoj të na mbani në mendime dhe lutje.

Do të kesh përgjithmonë një vend në zemrën time. Fluturo lart engjëll i vogël!

https://www.instagram.com/p/B1JFLV5hwiW/

Lexo edhe: Të dashura nëna: Ka jetë edhe pas humbjes së një fëmije