Dy të tretat e nënave që paragjykohen në vendin e punës për shkak të ushqyerjes me gji, përfundojnë duke u larguar nga puna. Gjetjet u përfshinë në një nga raportet e para gjithëpërfshirëse mbi diskriminimin e gjidhënies në vendin e punës.

75 për qind e punonjëseve në atë grup përjetuan një lloj dënimi ekonomik, të tilla si orët e reduktuara të punës.

Diskriminimi i ushqyerjes me gji mund të tingëllojë si diçka që nuk do të përjetonit kurrë në punë, por është trishtim më i zakonshëm nga sa mund mendoni. Disa nënave u mohohet e drejta për të shkuar në një vend të pastër e të qetë ku të mund të shtrydhin gjirin me pompë dhe një situatë e tillë për një kohë të gjatë i detyron nënat të japin dorëheqjen nga puna.

Në përgjithësi, gratë duhet të kenë një vend të pastër për të pompuar, 15-20 minuta pushim për ta bërë këtë dhe një ndryshim të përkohshëm në detyrat në punë nëse është i nevojshëm. Kur këto kërkesa themelore nuk plotësohen, shumë nëna përfundojnë në largimin më herët se sa planifikonin.

Një tjetër gjetje e rëndësishme nga studimi tregon se diskriminimi i gjidhënies është më i larti në mjediset e punës tradicionalisht “të dominuara nga meshkujt”.

Në fakt, një studim i vitit 2018 tregoi se çelësi i suksesit të dhënies së gjirit për nënat e reja që kthehen nga leja e lindjes është mbështetja e bashkëpunëtorëve.

Lexo edhe: Pse kur thoni “S’ka si qumeshti i gjirit” shkakton nje situate te komplikuar per disa nena?

[poll id=”23″]