Disa kuriozitete rreth lengut amniotik

Lëngu amniotik rrethon dhe mbron fetusin duke favorizuar zhvillimin e tij nga fillimet e shtatzanisë deri në momentin e lindjes.

I keni dëgjuar më parë disa kuriozitete rreth këtij lëngu?

Lëngu amniotik në fillim të shtatzanisë formohet nga plazma e gjakut të nënës. Nga muaji i 3 përbëhet edhe nga urina, mekoniumi të fetusit.
Lëngu amniotik nuk ndryshon gjatë gjithë shtatzanisë pasi ai është një sistem i mbyllur. Ai filtrohet nga vetë fëmija. Nuk është i pisët pasi urina e fetusit ndryshon nga ajo e të porsalindurit, pra nuk është toksike.
Nuk ka ndonjë studim të sigurt që e provon se sasia e lëngjeve që pi nëna ka lidhje me shtimin e sasisë së lëngut amniotik. Ai është si një lloj “air-bagu” për fëmijën, pra si një lloj barriere mbrojtëse dhe për më tepër nuk e lejon fëmijën të shtypë kordonin ombelikal, i cili është ai që bën të mundur ushqyerjen e fëmijës.
Nëse qesja e lengut amniotik çahet, nëna duhet të shkojë në spital. Ndonjëherë qesja mund të ketë një çarje të vogël ndonëse nuk është momenti i lindjes dhe për pasojë kontraksionet si edhe infeksionet mund të parandalohen nëpërmjet medikamenteve.
Nëse nëna gjatë shtatzanisë ka mungesë të theksuar ujërash mund të kryhet një proçedurë për futjen e solucionit fiziologjik brenda qeses.
Lëngu amniotik mund të dalë edhe me ngjyrë. Në këtë rast, nëse ka ngjyrë disi në jeshile duhet të shkoni në spital pasi bëhet fjalë për vuajtje fetale.
Mendohet se fetusi shijon gjithçka që nëna konsumon nëpërmjet lëngut amniotik, pra mësohet me shijet e tyre që në bark.

[poll id=”12″]

')}

Regjistrohu