Ushqyerja e fëmijës ju vendos shpesh në vështirësi? Provoni kombinimet e mëposhtme për më shumë shije dhe vlera ushqyese.
• Spinaq dhe patate. Fëmija mund ta konsumojë këtë kombinim duke filluar nga muaji i shtatë. I zieni patatet dhe në minutat e fundit shtoni fletët e spinaqit. E kaloni në frulator për të përftuar një pure homogjene. Këtë praktikë do ta bëni në çdo kombinim, duke e rregulluar në fund me djathin e bebes dhe pak vaj ulliri.
• Bizele, patate dhe karrotë. Edhe në këtë rast fëmija duhet të jetë të paktën 7-të muajsh. Kjo pure do të përmbajë vitaminë A e cila merret nëpërmjet karrotës si edhe beta-karoten.
• Oriz dhe thjerrëza. Mud të përdoret si ushqim nga muaji i 8-të. Thjerrëzat janë një burim shumë i mirë hekuri, proteinash dhe fibrash.
• Pulë dhe patate e ëmbël. Mund të përdoret duke filluar nga muaji i 8-të. Kjo pure mund të rregullohet edhe me pak qumësht nga ai që fëmija pi zakonisht.
• Pulë, brokoli dhe patate. Fëmija mund ta konsumojë duke filluar nga muaji i 8-të. Mund të përgatitet edhe pa patate.
• Mish vici dhe karrotë. Mishi i kuq mund të prezantohet duke filluar nga muaji i 8-të në atë të 10-të, dhe në këtë moment mund ta përgatisni me karrotë. Mishi duhet të ziejë për të paktën 2 orë, ndërsa karrotat mund të shtohen 20 minutat e fundit.
• Kungull i verdhë, patate e ëmbël, brokoli dhe karrotë. Këshillohet të përdoret nga muaji i 7-të.
• Karrotë dhe avokado. Një kombinim i mrekullueshëm që mund të përdoret nga muaji i 6-të. Avokado nuk ka nevojë për zierje, ndërsa karrota po.
• Dardhë dhe kumbull. Kombimin perfekt për t’u përdorur që në momentet e para të fillimit të ushqyerjes.
