Dhuna nga ana e të rinjve është njëra nga format më të shpeshta të dhunës. Edhe sulmet mes të rinjve  kontribuojnë në masë të madhe në numrin e përgjithshëm të vdekjeve të parakohshme, lëndimeve dhe invaliditetit. Dhuna mes të rinjve i lëndon jo vetëm viktimat por edhe familjet e tyre, shokët dhe shoqërinë në përgjithësi.

Ekziston një lidhje e ngushtë në mes dhunës së ushtruar nga të rinjtë dhe formave tjera të dhunës. Nëse një djalë apo vajzë e re është e dhunshme, shpesh herë kryejne edhe vepra penale dhe shfaqin probleme të tjera psikologjike dhe sociale. Studimet tregojnë se gjendja e dehur është një faktor i rëndësishëm që mund të përshpejtojë dhunën.

Por cilët janë faktorët e tjerë që ndikojnë?

Ndikimi i familjes dhe moshatarve

Atmosfera në shtëpi është çelësi për zhvillimin e sjelljes së dhunshme tek të rinjtë. Disa prej faktorëve kryesorë familjarë të lidhura me dhunën tek  adoleshentët janë:

• Mbikqyrje e keqe e fëmijve nga ana e prindërve dhe dënime të rënda fizike për disiplinimin e tyre;
• Konfliktet mes prindërve në fëmijërinë e hershme;
• Niveli i ulët i besnikërisë mes fëmijës dhe prindërit;
• Ndarja e prindërve në moshë të hershme;
• Nivel i ulët i kohezionit familjar, pra mungon komunikimi dhe ndjenja e të qënit pranë njëri-tjetrit në çdo moment;
• Statusi i ulët socio-ekonomik i familjes;
• Shoqërimi me moshatarë keqbërës gjithashtu lidhet me dhunën tek personat e rinj.

Faktorët individualë

Faktorët kryesorë të personalitetit të fëmijës janë:

• Hiperaktiviteti;
• Impulsiviteti;
• Kontrolli i ulët ndaj sjelljes së tij (për shembull mungesa e aftësisë së kontrollit të inatit);
• Problemet me vëmendjen;
• Historitë e hershme të sjelljes agresive;
• Nivele të ulëta arsimore.