Shkencëtarët thonë se gratë po shkojnë në shkollë ose punojnë edhe pse nuk janë mirë, dhe për këtë arsye nuk kanë performancë të mirë në punë.

Studimi historik është i pari i këtij lloji, që trajton një temë për të cilën shkencëtarët thanë se mbetet tabu.

Më shumë se tetë në dhjetë gra raportohet se punonin ose studionin ndërsa vuanin nga dhimbjet ose çrregullimet e humorit e për këtë arsye ato ishin më pak produktive.

Zbulimet, të botuara në Journal Medical Journal, thanë gjithashtu se simptomat paralizuese i detyrojnë gratë të bëjnë pushim për shkak të periodave të paktën një ditë në vit.

Hulumtuesit në Holandë pyetën pothuajse 33,000 gra të moshës nga 15 deri në 45 vjeç.

Pjesëmarrëseve iu kërkua të zbulonin detajet e ciklit të tyre menstrual dhe sesa të forta ishin simptomat. Periodat mesatare zgjasnin pesë ditë.

Simptomat menstruale bënin që gati një e treta e grave të vizitonin mjekun familjar dhe një në shtatë gra të shkonin tek gjinekologu.

Bazuar në simptomat e këtyre grave, studiuesit llogaritën që këto gra humbisnin nëntë ditë produktivitet çdo vit.

Ndonjëherë simptomat ishin aq intensive sa gratë duhej që të pushonin jashtë punës ose shkollës. Gati 3.5 për qind thanë se kjo ndodhte pothuajse në çdo cikël menstrual.

Rreth dy të tretat e grave thanë se dëshironin që ato të kishin mundësinë e një pune ose orari në shkollë më fleksibël kur janë gjatë periodave të tyre.

Pavarësisht se kemi dy dekada në shekullin 21, diskutimet rreth simptomave të periodave vazhdojnë të jenë tabu.

Gratë më të reja, nën moshën 21 vjeç duket se marrin më shumë kohë të lirë për periodat sesa gratë më të moshuara.

Ky është studimi më i madh që tregon se si simptomat e periodave ndikojnë në punë ose në produktivitetin e shkollës.

Lexo edhe: A ndikon dhimbja e barkut gjatë periodave në mundësinë për të ngelur shtatzënë?