Në javët e para pas lindjes, duhet të telefononi ose të shkoni menjëherë tek mjeku nëse vëreni ndonjë nga këto shenja paralajmëruese:

Simptomat mendore ose emocionale

– Ndjeni trishtim të thellë ose dëshpërim.

– Ndjeni ankth ekstrem ose panik.

– Mendoni se nuk jeni në gjendje të përballoni jetën e përditshme.

– Ndiheni të hutuara dhe të shqetësuara. (Sidomos nëse miqtë ose anëtarët e familjes ju tregojnë se po imagjinoni gjëra.)

– Keni mendime për të dëmtuar veten ose fëmijën tuaj.

Simptomat fizike

– Gjakderdhja juaj nuk fillon të pakësohet pas disa ditësh.

– Keni dhimbje të rënda ose të vazhdueshme kudo në bark ose në legenin tuaj.

– Dhimbjet përkeqësohen në vend që të përmirësohen.

– Keni dhimbje që ju zgjasin gjithnjë e më shumë.

– Keni dhimbje të forta ose të vazhdueshme, ose ndjeshmëri dhe nxehtësi në një zonë të caktuar të këmbës suaj, ose një këmbë është më e ënjtur se tjetra.

– Keni dhimbje koke të madhe ose të vazhdueshme që nuk pushon edhe pasi keni marrë një paracetamol apo ibuprofen.

– Nuk shihni mirë, i shikoni gjërat nga dy herë, të paqarta ose të turbullta.

– Shihni njolla ose drita

– Keni vjellje të rënda ose të vazhdueshme, diarre, ose kapsllëk.

– Vendi ku mund të keni bërë mpirjen ju dhemb, është bërë shumë i butë, ose i skuqur.

-Keni skuqje të lëkurës në një pjesë të madhe të trupit tuaj.

Shenjat e infeksionit

– Keni ethe dhe temperaturë më shumë se 37 gradë. Ethet mund të jenë shenjë e diçkaje të vogël, por gjithashtu mund të jenë shenjë e një infeksioni të rëndë.

– Keni skuqje, ënjtje ose rrjedhje në vendin ku jeni prerë.

– Keni dhimbje të mëdha ose të përkeqësuara në vaginë ose në pjesën midis anusit dhe vaginës.

– Keni sekrecione vaginale.

– Keni dhimbje ose ndjeshmëri në një zonë të gjirit tuaj që nuk lehtësohet nga kompresat me ujë të ngrohtë dhe nga gjidhënia.

– Keni enjtje ose skuqje në një zonë, ndoshta të shoqëruar me simptoma të ngjashme me gripin ose ethet.

– Keni shpesh dëshirën për të urinuar por nuk e bëni dot.

– Keni vështirësi të zbrazni plotësisht fshikëzën tuaj. (Do të thotë se ndihet sikur ju duhet të urinoni sërish kur sapo e keni bërë.)

– Keni dhimbje ose djegie kur urinoni.

– Urina juaj është në ngjyrë të errët ose si gjak.

Telefononi ambulancën menjëherë nëse:

– Nuk merrni dot frymë.

– Keni dhimbje gjoksi.

– Nxirrni gjak kur kolleni.

– Keni shumë gjakderdhje.

– Keni shenja shoku. Këto mund të përfshihen ndjeshmëria nga drita, marrja e mendve, dobësia, rrahjet e shpejta të zemrës osetë ngadalta, frymëmarrje e shpejtë ose shumë e ngadaltë, shqetësim ose konfuzionin.

Lexo edhe: Si ta kuptoj nese kam mungese hekuri pas lindjes?

[poll id=”24″]