Nënë-fëmijë, një marrëdhënie speciale që do të jetë e tillë përgjatë gjithë jetës. Megjithatë, psikologia Ilaria Alessandro shprehet se menjëherë pas lindjes, secila nënë krijon me fëmijën e saj një marrëdhënie të veçantë, pra asnjë prej tyre nuk është e njëjtë me tjerën.

Ajo pohon gjithashtu se kjo marrëdhënie thellë-thellë fillon të marrë karakteristikat e saj që në shtatzani, por pas lindjes bëhet edhe më e vendosur. Në momentin që nëna e merr për herë të parë fëmijën pranë vetes dhe e shikon, mes tyre krijohet një marrëdhënie e caktuar.

Ekzistojnë 3 lloj marrëdhëniesh mes nënës dhe fëmijës

1. Marrëdhënia e sigurt. Nëna e njeh menjëherë rolin e saj dhe përpiqet të krijojë me fëmijën e saj një raport të prerë por në të njëjtën kohë edhe shumë intensiv.
2. Një marrëdhënie jo shumë e përfshirë. Nëna e do shumë fëmijën e saj dhe nuk vë asgjë para tij, megjithatë ajo nuk e “lejon” veten të përfshihet vetëm nga ky rol, duke mbajtur njëfarë distance edhe për t’ju përkushtuar veprimtarive të tjera në jetë, përfshirë këtu edhe karrierën.
3. Një marrëdhënie konfuze. Nëna merr menjëherë përsipër për t’u kujdesur për fëmijën, nuk shikon asgjë tjetër përveç tij dhe në disa raste edhe e tejkalon limitin duke e identifikuar veten e saj me fëmijën.

Lexoni edhe: 3 perfitimet qe femija ka nga puthjet e nenes