Depresioni pas gjidhënies është shumë i shpeshtë, gjendje e cila shoqëron gruan në fund të këtij proçesi, pra pasi ajo ka ndërprerë gjidhënien. Ushqyerja me gji është një nga eksperiencat më të bukura të nënës, falë së cilës ajo krijon një marrëdhënie tepër speciale me fëmijën e saj. Gjatë këtij proçesi fëmija e ndien nënën shumë pranë dhe nëna gjithashtu fëmijën, për këtë arsye në fund të tij nëna mund të ndiejnë simptoma depresioni.
Kur ndërpresim gjirin
Nëna mund të vendosë për ndërprerjen e gjirit për shumë arsye, dhe këtë mund ta bëjë edhe vetë fëmija. Pasi kjo ka ndodhur (pavarësisht arsyes) nëna përjeton emocione shumë negative, pasi i duket sikur ka humbur lidhjen me fëmijën e saj. Në të vërtetë ndërprerja e gjirit nuk e prish këtë marrëdhënie të tyre, por githsesi ndjesitë negative që përjeton nëna janë normale.
Si ndihet nëna?
Nëna mund të dojë të ushqej më gjatë fëmijën e saj me gji, por mund të ndodhë që të mos ketë qumësht , fëmija të mos dojë të pijë etj, dhe në këtë rast ajo fillon të ndihet në faj duke menduar që nuk ishte në gjendje t’i jepte më gjatë gji fëmijës së saj. Kjo mund të shkaktojë kriza të qarash dhe ankthi tek gruaja. Sigurisht që nëse qumështi ik dhe fëmija nuk do të pijë, faji nuk është i nënës dhe nuk ka vend për ndjenja faji.
Edhe nëse nëna vendos të ndërpresë gjirin ndjenjat e fajit janë të shumta, kjo pasi pas shumë muajve kontakt të afërt fizik, gruaja nuk do të ketë më me fëmijën, pra nuk do ta ketë më atë kontaktin intim mes tyre. Nuk mund të flasim për një depresion të vërtetë, por për një ndjenjë boshllëku dhe mërzie, gjë që është tepër normale.