Sipas Patricia Henderson Shimm (edukuese e prindërve në lidhje me zhvillimin e fëmijës, diplomuar në “Bernard College Center for Toddler Development” ku ushtron edhe profesionin e saj), është shumë normale që fëmija juaj të ketë një shok imagjinar. Ajo e quan këtë aftësi shumë kreative të fëmijës. Sipas saj kjo krijesë imagjinare e ndihmon dhe shoqëron fëmijën në rrugëtimin e njohjes së botës. Fëmija me anën e këtij personazhi mëson të mirën dhe te keqen. Për shembull nëse fëmija thotë se “Ana” e derdhi qumështin mbi libër, ju mund t’i mësoni “Anës” bashkë me të se cilat janë rregullat e familjes dhe si duhet apo nuk duhet të sillet.
Si duhet të sillemi?
Normalisht ju nuk duhet të reagoni negativisht nëse fëmija ju përmend shokun imagjinar. Kjo nënkupton që ju nuk duhet të mohoni ekzistencën e tij, por as të pretendoni se po flisni me shokun imagjinar. Ju nuk duhet ta bëni atë të ndihet argëtues që është duke folur me një person që nuk ekziston.
Ju gjithashtu duhet ta lini të qetë të “shijojë shoqërinë” e mikut të tij/saj pasi është diçka që do të largohet me kalimin e kohës.

Lexo edhe: Shpesh femijet frikesohen per shkak te shokeve