Por si mund ta përgatisim avokadon për fëmijën tonë?
• Sallatë frutash me avokado.
Këtë mund ta përgatisni duke përzier: ½ avokado, ½ banane, ½ dardhë e pjekur mirë, disa lugë kos të bardhë. I kaloni frutat në frulator dhe më pas shtoni kosin (nga muaji i 8).
• Avokado dhe mango. Pasi i keni shtypur frutat mund të shtoni pak kos, qumësht ose lëng frutash për ta bërë purenë më kremoze. Mund të përdoret nga muaji i 8.
• Mollë dhe avokado. I zieni copat e mollës dhe më pas i shtypni me pirun. E përzieni me avokadon derisa të formohet një pure kremoze (nga muaji i 5-të).
• Avokado, fasule të bardha, gjoks pule dhe qumësht. Pasi keni zier fasulet me mishin e pulës i kaloni në frulator dhe më pas shtoni në të edhe avokadon. E rregulloni me pak qumësht (nga muaji i 8).
• Lulelakër, oriz dhe avokado. ½ filxhan caji me oriz të zier, e përzieni në frulator me lulelakrën e zier si edhe me copat e avokados. Nëse ka nevojë për hollim shtoni pak nga lëngu i zierjes së orizit ose lulelakrës. E rregulloni me pak vaj ulliri (nga muaji i 7).
• Patate e ëmbël dhe avokado. E piqni një kokërr patate të ëmbël për rreth 1 orë dhe më pas e lini të ftohet. E përzieni me avokadon dhe e shtypni derisa të bëhet pure. Patatja duhet të përdoret pa lëkurë (nga muaji i 6).
Lexo edhe: Perfitimet e avokados per femijen
