Edhe pse marrja e ilaçeve të kollës për t’ju ndihmuar të ngeleni shtatzanë duket si një trajtim i thjeshtë dhe i lehtë, ka shumë pak kërkime mjekësore për të mbështetur idenë. Megjithatë, disa gra thonë se ka funksionuar për to.
Një përbërës i zakonshëm në ilaçet e kollës është ekspektoranti, guaifenesin. Guaifenesin thith mukusin në rrugët e frymëmarrjes, duke e bërë më të lehtë për ju të nxirrni kollën bashkë me sekrecionet. Dhe, për shkak se guaifenesin punon në të gjitha membranat e mukozës në trupin tuaj, mund të bëjë mukozën e qafës së mitrës më të lagësht dhe të lirshme.
Nëse nuk prodhoni mukozë të lagësht dhe të rrëshqitshme rreth kohës së ovulimit, spermatozoidi i partnerit tuaj mund të mos arrijë qafën e mitrës suaj. Teoria është se të kesh një mukozë më të lirë dhe më të hollë, mund të ndihmojë spermën të arrijë vezën.
Në përgjithësi është e këshillueshme që të mos merrni ilaçe përveç nëse është e nevojshme. Megjithatë, ju mund ta bisedoni me mjekun.
Ilaçet për kollën dhe ftohjen gjithashtu përmbajnë përbërës të tjerë. Disa kanë përbërës të tillë si antihistaminet. Kjo bën të kundërtën e asaj që ju dëshironi.
Nëse vërtet dëshironi të provoni ilaçet e kollës për t’ju ndihmuar të ngelni shtaztanë, zgjidhni një ilaç në të cilin përbërësi i vetëm aktiv është guaifenesin.
