Sipas disa studimeve të reja, gjidhënia ka një ndikim pozitiv edhe në lidhje me dhimbjet kronike që mund të ndiejë një grua pas lindjes me operacion.

Përfitimet e gjidhënies

Ekspertët tregojnë rëndësinë e të ushqyerit me gji edhe në lidhje me uljen e dhimbjeve të operacionit. Edhe pse proçesi mund të ngjajë disi i parehatshëm nëse lindja ka ndodhur me operacion, në të vërtetë ndodh e kundërta. Nënat të cilat ushqejnë me gji të paktën 2-3 muajt e parë pas lindjes, janë më pak të prirura të vuajnë nga dhimbjet afatgjata të operacionit, dhe këtë e shpreh edhe një studim i prezantuar në “Euroanesthesia congress” në Gjenevë.

Dhimbjet pas lindjes me operacion

Zakonisht ato vazhdojnë në 1 nga 5 gra më shumë se 3 muaj pas lindjes. Efektet e gjidhënies u vunë re gjatë një studimi të kryer në 185 gra. Ato kishin dhimbje më të lehta ose aspak dhimbje gjatë ushqyerjes me gji.

Ekspertët gjithashtu theksuan edhe 2 fakte të tjera surprizuese:

• ½ e grave që lindën me operacion që morrën pjesë në studim kishin shenja ankthi;
• Gratë që kishin marrë informacionet e duhura në lidhje me atë çfarë i priste pas lindjes, do të kishin më pak dhimbje kronike.

Sipas studimeve, në perceptimin e dhimbjeve ndikojnë edhe faktorë të tjerë si ankthi, mënyra e kryerjes së ndërhyrjes, edukimi i nënës, mosha e nënës, dhe mendohet se ankthi që gruaja ndien në lidhje me funksionimin e mirë të gjidhënies, e bën dhimbjen e operacionit më pak të ndjeshme. Pra ky është një tjetër efekt pozitiv i gjidhënies në jetën e gruas.

Lexoni dhe: Gjidhenia, behuni nje eksperte