Një studim i fundit tek minjtë meshkuj jopjellorë ka treguar për mungesën e një gjeni riparues.

Gjeni i njohur si XRCC1, është vendimtar për zhvillimin e spermës, dhe siguron sasinë e lartë të spermës, lëvizjen e shpejtë, formën normale dhe përqendrimin e fortë.

Më parë nuk ishte e qartë  sesa i rëndësishëm ishte ky gjen për fertilitetin mashkullor.

Por një studim i ri nga studiuesit kinezë zbuloi se kjo është e vetmja gjë që përcakton cilësinë e spermës.

Ekspertët thonë se ky zbulim është shumë i rëndësishëm për njerëzit, pasi të dhënat tregojnë një rritje shqetësuese të meshkujve infertilë.

Megjithatë, është e paqartë se çfarë mund ta shkaktojë mungesën e këtij geni.

“Edhe dëmtimi më i vogël i ADN-së në spermatozoidet e meshkujve mund të zvogëlojë pjellorinë dhe të rrisë rrezikun e sëmundjes tek pasardhësit”, thanë studiuesit.

Shqetësimet për infertilitetin mashkullor u rritën në mënyrë globale në 2017, kur hulumtuesit në Izrael dhe SHBA publikuan të dhëna tronditëse se spermatozoidet tek meshkujt që jetojnë në vendet perëndimore kanë rënë me 59.3% në 40 vitet e fundit.

Duke shqyrtuar studimet e mëparshme, studiuesit zbuluan se, që nga viti 1973, përqendrimi i spermës tek meshkujt perëndimorë kishte rënë me më shumë se 52%, duke rënë mesatarisht me 1.4% çdo vit.

Për më tepër, në korrik 2017 u tha se pjelloria në SHBA arriti në nivelin më të ulët të të gjitha kohërave.

Geni XRCC1 ka qenë prej kohësh i njohur si mbrojtës në shumë lloje qelizash, dhe ky studim i ri është shumë i rëndësishëm në kontekstin e rëndësishëm të spermatogenezës.

Lexo edhe: Keshilla per meshkujt: Si te shmangni infertilitetin per te qene pjellor egjithe jeten