Fëmija im është 18 muajsh dhe ende nuk flet shumë fjalë as nuk është në gjendje të ndërtojë fjali të shkurtra. A duhet të shqetësohem dhe të drejtohem tek ndonjë mjek specialist?

Mundohuni të mos shqetësoheni nëse fëmija juaj në moshën 18-muajshe ende nuk po flet. Mosha në të cilën fëmijët mësojnë të flasin mund të ndryshojë shumë. Mesatarisht në moshën 18 muajshe, fëmija duhet të dijë të paktën 6 fjalë. Edhe nëse ende nuk i di, nuk ka arsye për t’u alarmuar nëse shenjat e tjera të komunikimit shkojnë mirë.

Fëmija vërtet mund të mos flasë, por ju nuk duhet të shqetësoheni nëse:

• fëmija është në gjendje të ndjekë udhëzime të thjeshta nga ju, si për shembull “Merre pelenën”.

• fëmija do të kuptojë shumë fjalë veç e veç, por edhe disa fjalë të bashkuara që formojnë fjali të shkurtra.

• kur dëshiron diçka, fëmija do ta kërkojë në mënyrën e tij.

• kur ju i lexoni apo i tregoni libra me figura, mund të tregojë objekte dhe fotografi me nxitjen tuaj.

• ndërsa luan, duket sikur thotë fjalë pa kuptim.

• nëse di më shumë se një gjuhë, përdor herë njërën herë tjetrën, duke i ngatërruar ato me njëra-tjetrën.

Mos u shqetësoni shumë për mënyrën se si fëmija shqipton fjalët. Më e rëndësishme është përpjekja për komunikim.

Lexo edhe: Ne cilen moshe duhet te shqetesohemi nese femija nuk flet?