Tost me avokado 

Përbërësit:

• 2 feta buke për tost;
• 1 avokado;
• 1 lugë kafeje lëng limoni;
• 1 lugë kafeje vaj ulliri;
• pak piper të kuq;
• pak kripë.

Përgatitja:

1. Bëni bashkë gjithë përbërësit (përveç avokados).
2. Thekni bukën aq sa të dëshironi.
3. Ndërsa avokadon qërojeni nga lëkura dhe shtypeni me pirun. Shtoni përbërësit e tjerë që bashkuat.
4. Ndajeni në dy pjesë për të lyer dy fetat e bukës.
5. Konsumojeni menjëherë.

Supë pule me makarona

Përbërësit:

• 2 lugë vaj ulliri;
• 2 qepë mesatare të prera;
• 3 karota mesatare;
• 3 degë selino, e prerë në copa të trasha;
• 1 pulë;
• 1 koncentratë pule;
• pak ujë të ftohtë
• pak majdanoz;
• 3 degë trumzë;
• 1 gjethe dafine;
• kripë;
• piper të zi;
• 2 filxhanë makarona noodle.

Përgatitja:

1. Nxehim vajin dhe shtojmë qepët, karotat dhe selinonë. I trazojmë herë pas here dhe i lëmë në zjarr për 10 minuta.
2. Presim pulën në copa dhe e shtojmë në tigan së bashku me koncentratën. Shtojmë ujë derisa përbërësit të mbulohen.
3. Kur të jetë trashur lëngu, shtoni majdanozin, trumzën dhe gjethen e dafinës.
4. Ulni nxehtësinë, lëreni në zjarr të ngadaltë pa kapak.
5. Hiqeni nga zjarri dhe largoni erëzat. Shtoni makaornat dhe lërini të ziejnë edhe për 10 minuta. Shtoni edhe kripë e piper.

Sallatë me spinaq e luleshtrydhe

Përbërësit:

• gjysmë luge fara susami;
• 1 tas me gjethe spinaqi;
• 1 tas me luleshtrydhe të freskëta;
• gjysmë filxhan vaj ulliri;
• 2 lugë verë të kuqe;
• 1 lugë sheqer;
• pak pluhur hudhre;
• pak pluhur qepe;
• pak mustardë.

Përgatitja:

1. Në një tas të thellë vendosni spinaqin dhe farat e susamit. Ndani luleshtrydhet në 2-3 pjesë. Shtojini tek spinaqi dhe vendosni në frigorider.

1. Gjithë përbërësit e tjerë bashkojini me mikser dhe vendosin iedhe ato në friorifer.
2. Më pas shtojani sallatës së spinaqit kur ta shërbeni.