Shampoja juaj, locioni i trupit, manikyri i thonjve dhe sende të tjera të përkujdesjes personale të zakonshme duhet të mbahen larg fëmijëve tuaj. Është shumë më e lehtë të thuhet se sa bëhet, pasi më shumë se 60.000 fëmijëve që kanë shkuar në urgjencë në një hapësirë kohore ​​14-vjeçare si rezultat i kontaktit me këto produkte. Gjetjet u ndanë në një raport të ri nga Qendra Mbarëkombëtare për Hulumtimin dhe Politikën e Sëmundjeve në Spitalin e Fëmijëve.

Të dhënat tregojnë se 64.686 fëmijë më të vegjël se pesë vjeç – rreth 60 për qind e të cilëve ishin më të vegjël  edhe se 2 vjeç në SHBA, u trajtuan në urgjencë për dëmtimet që lidhen me produktet e kujdesit personal nga viti 2002 deri në vitin 2016. Numri është i barabartë me rreth një fëmijë çdo dy orë.

Shumica dërrmuese e këtyre rasteve, rreth 76 për qind, ndodhën kur një fëmijë gëlltiti produktin. 19 për qind ishin pasi produkti pati kontakt me lëkurën ose sytë e fëmijës. Të dyja këto raste zakonisht rezultuan në një nga dy mënyrat e frikshme: helmim (86.2 përqind) ose djegie kimike (13.8 përqind).

Produktet e kujdesit personal dhe dëmtimet e fëmijëve

Ja një vështrim në llojet e ndryshme të artikujve që shkaktuan disa nga këto lëndime:

Produkte për kujdesin e thonjve (28.3 përqind);

Produkte të kujdesit të flokëve (27 përqind);

Produkte të kujdesit të lëkurës (25 përqind);

Produktet e aromave (12.7 përqind).

Produktet e thonjve shkaktuan numrin më të madh të vizitave në dhomën e urgjencës, por produktet e kujdesit të flokëve ishin përgjegjës për lëndime më serioze që kërkonin shtrim në spital. Ju mund të mendoni se diçka e tillë nuk do të ndodhë me ju, por fëmijët e gjejnë një mënyrë për të marrë në duart e tyre çdo gjë që nuk duhet.

Për të shmangur këto skenare të frikshme në shtëpinë tuaj, raporti i nxit prindërit t’i mbajnë këto produkte sa më larg syve të fëmijëve.