Në fillim, mund t’ju duket se fëmija juaj nuk bën gjë tjetër veçse ha, fle, qan dhe mbush pelenat e tij. Por pasi të kalojë muaji i parë i jetës ai do të jetë më i vëmendshëm dhe do të reagojë më shumë. Gradualisht ai do të fillojë të lëvizë trupin e tij më mirë dhe me koordinim shumë më të madh, veçanërisht duke futur dorën në gojën e tij. Ju do të kuptoni se ai ju dëgjon kur flisni, ju shikon se si ju e mbani, dhe herë pas here lëviz trupin e tij për t’ju përgjigjur ose për të tërhequr vëmendjen tuaj.

Këtu janë disa pika të tjera të cilat i bën një foshnjë 1 muajsh:

Ndryshimet në lëvizje

• Bën frymëmarrje të çrregullt (ndalon për një moment dhe pastaj merr sërish frymë shpejt), duke iu dridhur kraharori.

• Sjell duart afër zonës së syve dhe gojës.
• Lëviz kokën nga njëra anë ose në tjetrën kur e shtrini me bark.
• Koka i “bie mbrapa” nëse nuk mbështetet.
• Duart i mban të mbledhura si grushte të vockla.

Ndryshimet vizuale dhe dëgjimore

• Përqëndrohet 20 deri në 30 cm larg syve;
• Leviz sytë dhe ndonjëherë i kryqëzon;
• Preferon objektet me ngjyrë të bardhë dhe të zezë dhe ato që kanë kontraste;
• Preferon fytyrat e njerëzve para objekteve të tjera;
• Arrin të dëgjojë plotësisht;
• Njeh disa tinguj;
• Mund të kthehet drejt tingujve dhe zërave të njohur;
• Ndryshimet në nuhatje dhe prekje;
• Preferon erërat e ëmbla;
• Shmang aromën e hidhur ose të thartë;
• Njeh erën e qumështit të nënës së tij;
• Preferon prekjen e gjërave të buta më shumë se sa ato të ashpra;
• Nuk i pëlqen kur e mbajnë në krahë papritur apo ashpër.

Zhvillimi i shëndetit

Nëse, gjatë javës së dytë, të tretë ose të katërt të jetës së fëmijës suaj, bebi tregon ndonjë nga shenjat e mëposhtme të vonesës së zhvillimit, njoftoni pediatrin tuaj.

– Thith pak qumësht ose ushqehet ngadalë;

– Nuk dridhet kur shfaqet një dritë;

– Nuk fokusohet dhe ndjek një objekt të afërt që lëviz nga një anë në tjetrën;

– Rrallë lëviz krahët dhe këmbët; duket i ngurtë;

– Duket sikur i ka shumë të lira gjymturët ose lëshohet;

– Nofulla e poshtme dridhet vazhdimisht, edhe kur nuk qan apo kur nuk e ngacmojnë;

– Nuk u përgjigjet tingujve me zë të lartë.

Lexo edhe: Çrregullimet e gjumit tek femija, cilat jane shkaqet dhe si t’i trajtojme?

Sorry, there are no polls available at the moment.