A ka një kohë të përshtatshme për të ndaluar dhënien e gjirit?

Zgjedhja kur të ndaloni gjdhënien është vendimi juaj. Gjithkush rreth jush ndoshta do të ketë një mendim për kohën e duhur, por kjo varet nga ju kur vendosni përfundimisht të ndaloni, bazuar në atë që është më e mira për ju dhe fëmijën tuaj. Në Mbretërinë e Bashkuar, ekspertët rekomandojnë që foshnjat ushqehen me gji ekskluzivisht për gjashtë muaj, por në shumë pjesë të tjera të botës foshnjat zakonisht ushqehen me gji deri në dy vjet ose më shumë. Pra, nëse doni të vazhdoni ta ushqeni fëmijën me gji për aq kohë sa ai është i lumtur, nuk jeni vetëm.

Si mund t’i shpjegoj të tjerëve që unë nuk dua të ndaloj akoma?

Nëse njerëzit e tjerë po ushtrojnë presion mbi ju për të ndaluar dhënien e gjirit para se ju dhe fëmija juaj të jeni gati, ja si të menaxhoni situatat.

“Partneri im injoron kohën që kaloj duke ushqyer fëmijën me gji”

Nënat që mendojnë se partnerët e tyre janë mbështetës dhe të përfshirë në mënyrë aktive kur është fjala për ushqyerjen me gji, në përgjithësi ndihen më të sigurta dhe të afta. Pra, duke përfshirë partnerin dhe duke e ndihmuar që të kuptojë se pse ushqyerja me gji është e rëndësishme, do t’ju ndihmojë të menaxhoni më mirë. Është e natyrshme që partneri juaj ndonjëherë të ndjehet i lënë mënjanë, ose si një pjesë rezervë ndërsa jeni duke ushqyer fëmijën. Bisedoni me partnerin tuaj se si mund të përfshihet më shumë dhe të kalojë kohë të veçantë me fëmijën tuaj.

Këto janë disa nga gjërat që partneri juaj mund të bëjë:

• ndani radhën me njëri-tjetrin për t’i bërë dush dhe për të ndërruar pelenën e fëmijës.
• të kenë më shumë përkëdhelje dhe kontakt lëkurë me lëkurë.
• t’i bëjnë masazh fëmijës .

Së fundi, mund ta siguroni partnerin që ushqyerja me gji nuk vazhdon përgjithmonë.

“Mami im thotë se po e bëj vetëm për veten, jo për fëmijën tim”

Ushqyerja me gji është gjëja më e mirë për shëndetin e fëmijës suaj, tani dhe në të ardhmen. Organizata Botërore e Shëndetësisë dhe Unicef ju mbështesin! Organizata Botërore e Shëndetësisë këshillon nënat t’i ushqejnë foshnjat e tyre me gji ekskluzivisht për gjashtë muajt e parë dhe më pas të kombinojnë gjirin dhe ushqimet e ngurta për dy vjet. Qumështi i gjirit mbron fëmijën nga infeksionet. Sa më gjatë që ta ushqeni me gji, aq më shumë zgjat mbrojtja nga gjiri i nënës dhe aq më shumë përfitime ka për fëmijën tuaj. Në fakt, shëndeti që përfiton fëmija nga ushqyerja me gji do të zgjasë shumë në jetën e tij si i rritur. Ushqyerja me gji mund të ndihmojë për të parandaluar kancerin e gjirit dhe mund të ulë shanset për të pasur diabet dhe kancer ovarian në të ardhmen. Shpjegoni sa vlerë ka mbështetja e nënës suaj dhe sa nevojë keni për të.

“Foshnjat nuk kanë nevojë për ushqyerjen me gji sapo të kenë filluar ushqimin e ngurtë”

Dhënia e asgjëje tjetër përveç gjirit rekomandohet për gjashtë muajt e parë të jetës së fëmijës suaj. Pas kësaj, ju mund të ushqeni me gji fëmijën tuaj së bashku me ushqimin e ngurtë për aq kohë sa ju dhe fëmija dëshironi.

“Ju nuk mund të ushqeni me gji sapo të ktheheni në punë”

Shumë gra vazhdojnë me sukses dhënien e gjirit kur kthehen në punë. Disa zgjedhin kujdesin e fëmijëve pranë punës, kështu që ata mund të ushqehen gjatë një pushimi. Të tjerët shtrydhin  qumësht për të ushqyer fëmijën e tyre gjatë ditës, dhe disa kombinojnë ushqyerjen me gji me formulën. Tregojini punëdhënësit tuaj sa më shpejt që të jetë e mundur nëse doni të shtrydhni qumështin në punë për të ruajtur për fëmijën.

“Po nëse askush reth meje nuk ushqen fëmijën me gji?”

Mund të jetë e vështirë nëse jeni e vetmja nga grupi shoqëror ose familjar që ende ushqeni me gji. Por miqtë e mirë nuk duhet t’ ju vënë në siklet. Dhe sigurisht, ushqyerja me gji është më shumë se ushqim. Ndërsa fëmija juaj rritet, ushqyerja me gji ju lejon të jeni pranë tij, duke ndërtuar një lidhje të fortë midis jush. Siguria që fëmija juaj ndjen me ju, ndërsa ushqehet në të vërtetë do ta ndihmojë atë të jetë i pavarur.

Lexo edhe: Nderprisni gjidhenien pa stres

')}