Muajt e parë të shtatzanisë njihen për rrezikun e madh që kanë në lidhje me abortin. Ndërr rreziqet më të njohura janë stresi dhe stili jo i mirë i jetesës, abuzimi me alkoolin etj, por studimet e fundit kanë nxjerrë edhe faktorë të tjerë rreziku.

Faktorët e rrezikut për një abort

Sipas ekspertëve rreziku i abortit do të jetë më i lartë nëse fëmija që është ngjizur i pari është djalë. Ky fakt është konfirmuar edhe nga një publikim që është bërë në revizstën daneze “Hum reprod” në të cilin paraqiten përfundimet e një studimi danez.

Përse ndodh kështu?

Sipas tyre embrioni i një djali shkakton tek gruaja një ndryshim në sistemin imunitar, duke e bërë trupin e saj më të prirur  për të “luftuar” embrionin pasardhës, pra rritet rreziku për të pasur një abort spontan.

Cili është ndikimi i aspirinës?

Gjithashtu tepër interesant është edhe një studim amerikan i publikuar në revistën “BMG”, sipas të cilit përdorimi i aspirinës dhe medikamenteve të tjera anti-inflamatore rrit rrezikun e abortit spontan. Sipa tyre efektet negative të këtyre medikamentëve do të ndihen më tepër nëse përdorimi para dhe gjatë shtatzanisë ka qënë për një periudhë të gjatë.

Ndërkaq marrëdhëniet intime nuk janë konsideruar si një faktor rreziku, perveç rasteve kur mjeku ka këshilluar të ndalohen pasi përbëjnë rrezik.