Hidrocela është mbledhja e ujit në zonën rreth testikujve të bebeve, dhe zakonisht shfaqet që në lindje por edhe gjate muajve të parë të jetës. Për të pasur një hidrocele të lindur më të rrezikuar janë fëmijët e lindur para kohe dhe mund të jetë e njëanshme ose në të dyja anët (bilaterale). Nuk përjashtohet mundësia të shfaqet edhe në moshë madhore.
Nga se shkaktohet?
Tek fëmijët e vegjël hidrocela varet nga patologjia që e bën testikulin të qëndrojë në zonën abdominale dhe jo në stroktum, pra ku duhet normalisht të shkojë. Në momentin e zbritjes, që ndodh rreth muajit 7-8 të shtatzanisë, testikuli krijon një lloj kanali nga barku deri tek stroktumi, i cili në disa raste nuk mbyllet dhe çon vazhdimisht ujë nga barku duke provokuar kështu hidrocelën.
Si shfaqet dhe cilat janë pasojat?
Mund të dallohet një fryrje në zonën e stroktumit dhe shpesh edhe me ngjyrë lejla. Nuk ka ndonjë pasojë në testikulin apo fertilitetin por nëse nuk trajtohet mund të provokojë bezdi.
Si duhet vepruar?
Nëse hidrocela është e lindur duhet pritur që problemi të zgjidhet në mënyrë spontane. Nëse nuk ndodh kjo gjë atëherë vazhdohet me anën e një ndërhyrje për të hequr ujin e tepërt dhe për të mbyllur kanalin që ka ngelur i hapur. Zakonisht mund të kryhet ndërhyrja në moshën 2-3 vjeçare, është ndërhyrje e lehtë dhe zgjat shumë pak.