Në momentin që fëmija mund të qëndrojë ulur (rreth muajit 7-8) ju mund të bëni banjo së bashku me të në vaskën tuaj. Kjo do të shërbejë si një moment argëtimi, përkëdheljesh, dhënie sigurie të cilat fëmija do t’i mbajë mend gjatë në kujtesën e tij. Sipas psikologes Paola Scalari banjoja e bebes nuk është thjesht çështje higjene, por edhe një moment që mund t’i falë tepër kënaqësi fëmijës.

Sipas saj rëndësia qëndron në:

• Është një moment dashurie për fëmijën. Lojërat e zhvilluara ndërsa prekni lëkurën e fëmijës do të lenë në mendjen e tij një kujtim që do ta mbajë mend gjatë. Nga ana tjetër kjo do të jetë edhe një moment qetësie.
• Do të futeni në sintoni me njëri-tjetrin. Ai do t’ju falë buzëqeshje dhe ju mund të përsërisni veprimet për ta bërë edhe më të lumtur, pra kështu do të filloni të ndërveproni me njëri-tjertrin, duke u përpjekur të ndiqni ritmet e tij.
• Do të mundni frikën e fëmijës. Banjoja që mund të bëni bashkë do të jetë një mundësi e mirë për ta bërë fëmijën të mundë frikën që ndien ndaj ujit. Prania juaj i jep siguri.
• Do të ndiheni shumë e bashkuar me fëmijën. Në banjo mund të përfshini edhe fëmijën tjetër që mund të keni, i cili mund të luajë me ju dhe lodrat e tij. E rëndësishme është që të keni kujdes mos e frikësoni fëmijën e vogël.
• Mos mbani pranë pajisje elektronike. Para se të hyni në vaskën e banjos duhet të largoni celularët dhe televizorin, pra nuk duhet të ketë asnjë lloj zhurme sepse midis jush duhet të ketë shumë intimitet. Pra fëmijët të jenë të përqëndruar vetëm tek loja dhe momentet e argëtimit që po kaloni së bashku.

Lexoni dhe: Higjena e bebes